سارسەنبى، 20 شىلدە كۇنى France Info راديوسىنىڭ ەفيرىندە سويلەگەن فرانتسۋز ۇكىمەتىنىڭ وكىلى ستەفان لە فول سوققى يراقتىق موسۋل قالاسىنا باعىتتالاتىنىن مالىمدەدى. موسۋل – تەررورلىق ۇيىم سودىرلارىنىڭ كوپ شوعىرلانعان ورىندارىنىڭ ءبىرى.

Deutsche Welle-ءنىڭ حابارلاۋىنشا، قازىرگى تاڭدا اقش-تا جۇرگەن فرانتسيا قورعانىس ءمينيسترى جان-يۆ لە دريان موسۋلعا سوققى جاساۋ ماسەلەسىن تالقىلاۋمەن اينالىسادى. سەيسەنبى كۇنى فرانتسيالىق سىرتقى ىستەر ءمينيسترى جان-مارك ەيرو تەررورلىق ۇيىمعا قارسى كواليتسيا وكىلدەرى ۆاشينگتوندا باس قوسقانىن مالىمدەگەن ەدى.

سەنبى، 16 شىلدە كۇنى «يسلام مەملەكەتى» نيتستسەدەگى تەراكت جاۋاپكەرشىلىگىن موينىنا الدى. ينتەرنەتتەگى تەررورشىلار تۋرالى اقپاراتتى باقىلاۋشى SITE حالىقارالىق ۇيىمىنىڭ مالىمەتىنشە، نيتستسەدەگى شابۋىلدى كواليتسياعا كىرەتىن ەلدەردىڭ ازاماتتارىنا شابۋىل جاساۋعا شاقىرعان تەررورلىق ۇيىمنىڭ ۇندەۋىنە قۇلاق اسقان ءبىر جانكەشتى جاساعان.

اباي-اقپارات