بۇعان دەيىن ەردوعان، Al Jazeera تەلەارناسىنا بەرگەن سۇحباتىندا، توڭكەرىستى ۇيىمداستىرۋعا شەت مەملەكەتتەر قاتىسۋى مۇمكىن دەپ مالىمدەدى، بىراق ەشقانداي ەلدى اتاعان جوق. تۇركيا ۇكىمەتى اسكەري توڭكەرىستى قازىر اقش-تا تۇراتىن وپپوزيتسيا جەتەكشىسى، يسلامدى ناسيحاتتاۋشى فەتحۋللاح گيۋلەن ۇيىمداستىردى دەپ ەسەپتەيدى.

ەردوعان تۇرىك دەموكراتياسىنا قاۋىپ ءتوندى، ەلدە اۆتوريتارلىق بيلىك ورنادى دەگەن تۇجىرىمدارمەن كەلىسپەيتىنىن مالىمدەدى. ء«بىز دەموكراتيالىق پارلامەنتتىك جۇيەدەن ەشقاشان باس تارتپايمىز»، - دەدى ول.

بۇعان قوسا تۇرىك پرەزيدەنتى، ەلدىڭ ەۋروپالىق وداققا كىرۋىنە كەدەرگى بولۋى مۇمكىن ەكەندىگىنە قاراماستان، پارلامەنتتىڭ ءولىم جازاسىن قايتارۋ تۋرالى شەشىمىن ماقۇلدايتىنىن جاسىرمادى.

بىرقاتار مەملەكەتتەردىڭ سىرتقى ىستەر مينيسترلەرى ۆاشينگتونداعى جيىندا تۇرىك بيلىگىنىڭ ءساتسىز مەملەكەتتىك توڭكەرىستەن كەيىن ەلدە قۋدالاۋدى كۇشەيتىپ جىبەرگەنىنە الاڭداۋشىلىق ءبىلدىرىپ، تۇركيانى زاڭ ۇستەمدىگىن ساقتاۋعا شاقىردى.