ونەر جانە مادەنيەت قايراتكەرلەرى مەن جۋرناليستەر قاتىسقان جيىندا ءسوز العان وزبەكستاننىڭ حالىق ءارتىسى شۋحرات كايۋموۆ جاس ءانشىنىڭ اندەرىن دارىنسىز دەپ اتادى. ول اسىرەسە، جاقىندا جازىلعان «وزبەگىم» ءانىنىڭ سوزدەرىنە توقتالدى.

ء«بىر تانىمال ءانشى تەلەارناعا جاڭا انىمەن شىعىپ، «ساعان 25 جىل، مەنىڭ وزبەگىم» دەيدى. وزبەك ۇلتىنىڭ 25-كە كەلگەنىن قايدان كوردىڭىز؟ وزبەكستان تاۋەلسىزدىگىنە 25 جىل، وزبەك ۇلتىنا ەمەس!» – دەدى كايۋموۆ.

ونىڭ پىكىرىنشە، مۇنداي قاتەلىكتەردى جىبەرمەۋ ءۇشىن «وزبەكناۆو» جانىنان كوركەمدىك كەڭەس قۇرىلىپ، وعان ەلدىڭ اقىن، جازۋشىلارى، سازگەرلەرى مۇشە بولۋعا ءتيىستى. سونىمەن بىرگە جاڭا اندەردى ەفيرگە جىبەرەر الدىندا «ينەنىڭ كوزىنەن» وتكىزىپ، تەكسەرۋ كەرەك دەيدى.

وزبەكستاننىڭ جاس ءانشىسى ورىنداپ شىققان «وزبەگىم» ءانىنىڭ سوزدەرىن جازعان ەلدىڭ تانىمال حالىق اقىنى، بۇگىندە ولي ءماجىلىس دەپۋتاتى يكبولا ميرزو ەكەن. وزبەكستاننىڭ مادەني سىنشىلارى ەڭ الدىمەن ءانشى شاحزودانى ەمەس، اقىندى سىناۋى ءتيىس دەيدى.

اباي-اقپارات