قازاقستاندا وزبەكتىڭ Ravon ءاۆتوموبيلىنىڭ جاڭا ماركاسى تانىستىرىلدى
الماتىدا جاڭا Ravon وزبەك ماركالى ءاۆتوموبيلىنىڭ تانىستىرىلىمى ءوتتى. Ravon بۇرىنعى Uz-Daewoo ماركاسىن الماستىردى. ونىمەن ءبىر ۋاقىتتا قازاقستان اۆتونارىعىنا جاڭا Nexia R3 شىعارىلدى. Nexia R3 – ەكىنشى بۋىنداعى (ت250) Chevrolet Aveo اۆتوكولىگىنىڭ جەتىلدىرىلگەن ءتۇرى.
تۇساۋكەسەرى وتكىزىلگەنىمەن، جاڭا «نەكسيانىڭ» باعاسى بەلگىلەنگەن جوق، ال كولىكتەر ەندى عانا جەتكىزىلەدى.
جاڭا «نەكسيادان» بولەك، «راۆوننىڭ» جەرگىلىكتى نارىققا تانىس تاعى ەكى مودەلى بار – سەدان Gentra جانە حەتچبەك R2 (Chevrolet Spark). بۇعان دەيىن قازاقستاندا ساتىلىپ كەلگەن Spark وزبەك زاۋىتىنان شىعارىلاتىن، بىراق وتكەن جىلى ول، Cobalt-پەن بىرگە ساۋدادان الىپ تاستالىندى.
Uz-Daewoo جەلىسى رەبرەندينگ جاساي باستادى. الماتىداعى ەكى تانىستىرىلىم بولمەسى باسقاشا بەزەندىرىلگەن، بىراق بۇرىنعى كوك ءتۇس قالعان. ال ازىرگە وزگەرىسكە ۇشىراپ ۇلگەرمەگەن سالونداردان Daewoo (ەسكى Nexia, Gentra جانە Matiz) لوگوتيپى بار اۆتوموبيل تاپپايسىز. ديستريبيۋتور مالىمەتى بويىنشا، ولار ساۋدادان شىعارىلعان.
اباي-اقپارات
