ەرەۆاندا وپپوزيتسيا بەلسەندىلەرى ۇستالدى
ارمەنيا بيلىگى 17 شىلدەدە ەرەۆانداعى پوليتسيا عيماراتىن باسىپ الىپ، ادامداردى كەپىلدىككە العان "قۇرىلتاي پارلامەنتى" قوزعالىسىنىڭ بەلسەندىلەرىمەن كەلىسسوز جۇرگىزىپ جاتىر. ارمەنيا پوليتسياسىنىڭ باسشى ورىنباسارى ۋنان پوگوسياننىڭ سوزدەرىنشە، ولاردى ساياسي تۇتقىندار دەپ سانايتىن "قۇرىلتاي پارلامەنتى" قوزعالىسىنىڭ ۇيلەستىرۋشىسى جيراير سەفيلياندى جانە بىرنەشە ارىپتەستەرىن بوساتۋدى تالاپ ەتۋ رايلارىنان قايتارۋعا ارەكەتتەنىپ جاتىر.
پوگوسيان پوليتسيانىڭ باسىپ العانداردىڭ كوزىن جويۋعا كۇشتەرى دە، تەحنيكالىق مۇمكىندىكتەرى دە جەتەتىنىن ايتادى. بىراق ازىرگە كيكىلجىڭدى كەلىسسوزدەر ارقىلى بەيبىت تۇردە شەشۋگە تىرىسىپ جاتىرمىز دەيدى. جەكسەنبى كۇنى ەرەۆاندا ونداعان وپپوزيتسيا جاقتاستارىنىڭ ۇستالعانى حابارلاندى.
بوستاندىق الاڭىندا "باسىڭدى كوتەر، ارمەنيا" قوزعالىسىنىڭ اكتسيا ۇيىمداستىرماق بولعان ءۇش بەلسەندىسى – اندرياس گۋكاسيان، داۆيد ساناساريان مەن داۆيد وۆاننيسيان ۇستالدى.
ەرەۆاندا شابۋىلدىڭ ناتيجەسىندە 17 شىلدە كۇنى تاڭەرتەڭ ءپوترۋلدى-پوست قىزمەتىنىڭ باسشى ورىنباسارى ارتۋر ۆانويان قازا تاۋىپ، ءۇش پوليتسيا قىزمەتكەرى اۋىر جارالانعان. كەپىلدە 6 پوليتسەي، ولاردىڭ ىشىندە ارمەنيا پوليتسياسىنىڭ توراعا ورىنباسارلارى ۆارتان ەگيازاريان مەن ۆالەري وسيپياندار بار.
"قۇرىلتاي پارلامەنتى" بولعان وقيعانى "ۇكىمەتتى ورنىنان كەتىرۋ" جانە "ساياسي تۇتقىنداردى بوساتۋ" ماقساتتارىنىڭ باسى دەپ اتادى.
اباي-اقپارات
