اقتوبە وبلىسىنىڭ اكىمى بەردىبەك ساپارباەۆتىڭ باستاماسىمەن بەلگىلى ساياساتتانۋشى، قر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ ديرەكتورى ەرلان قارين اقتوبەگە باردى.

ساپارىنىڭ ءبىرىنشى كۇنىندە ساياساتتانۋشى العا، مۇعالجار جانە تەمىر اۋداندارىنا بارىپ، تۇرعىندارمەن، يمامدارمەن كەزدەستى، بىرقاتار ماسەلەلەردى تالقىلادى.

ەرلان قارين ساياسي پارتيالار، ۇكىمەتتىك ەمەس ۇيىمداردىڭ جەتەكشىلەرى جانە قوعامدىق كەڭەس مۇشەلەرى، زيالى قاۋىم وكىلدەرىمەن كەزدەستى.

بەردىبەك ساپارباەۆ قسزي ديرەكتورىنىڭ اقتوبەگە ساپارىنىڭ نەگىزگى ماقساتى 5 ماۋسىمدا بولعان لاڭكەستىك ارەكەتتەن كەيىنگى جاعدايدى زەرتتەۋ دەپ اتاپ ءوتتى.

- وبلىستاعى الەۋمەتتىك-ساياسي جاعداي تۇراقتى. سول قايعىلى جاعدايدان كەيىن قورىتىندى جاساپ، قايتالانباس ءۇشىن بىرقاتار شارالاردى قولعا الۋىمىز كەرەك، - دەدى وبلىس اكىمى.

بۇل ماسەلەدە بيلىك قاۋىمداستىق وكىلدەرىنىڭ كومەگىنە ارقا سۇيەيدى. ايتا كەتكەن ءجون، وڭىردە 6 ساياسي پارتيا، 69 ءدىني بىرلەستىك، 19 ەتنومادەني بىرلەستىك جۇمىس ىستەيدى. ەرلان قارين وڭىرگە شاقىرعانى ءۇشىن بەردىبەك ساپارباەۆقا العىسىن ءبىلدىردى.

- زەرتتەۋشىگە قوعامنىڭ كوڭىل-كۇيىن سەزىنۋ ماڭىزدى، ەگەر تىكەلەي ديالوگ پەن بايلانىس بولماسا، ەشقانداي زەرتتەۋ ءتيىمدى بولمايدى. سوندىقتان بەردىبەك ماشبەكۇلى اقتوبەگە شاقىرعاندا، مەن بىردەن، ارينە، كەلىستىم. بيلىكتىڭ بالاما باعا بەرۋى مەن وسى ماسەلەنى تالقىلاۋعا قىزىعۋشىلىق تانىتقانى قۋانتادى. كەزدەسۋلەر بارىسىندا ءبىز تەك پىكىر الماسىپ قويماي، ءوز بايقاعانىمىزدى ورتاعا سالىپ، ويلاستىق، ءوز كەزەگىندە بۇل كەزدەسۋلەردىڭ ناتيجەسى قانداي دا ءبىر ۇسىنىس جاساعاندا قاجەت بولۋى مۇمكىن. بۇل كەڭىنەن قولدانىلاتىن جاقسى تاجىريبە. اسىرەسە مەملەكەت پەن قوعام اراسىندا ديالوگ ورناتۋدىڭ جاڭا دەڭگەيىنە سۇرانىس بولعانى ماڭىزدى، - دەپ سانايدى ساياساتتانۋشى.

ەرلان قاريننىڭ ايتۋىنشا، اقتوبەدە بولعان وقيعا - اۋقىمدى سيپاتقا يە. ءوز ءسوزىن ول وسى دايەكتەرمەن بەكىتتى. بىلتىر الەمنىڭ 95 مەملەكەتىندە 11 مىڭنان استام لاڭكەستىك ارەكەت جاسالعان. سيريادا 80 مەملەكەتتەن 30 مىڭ جاۋىنگەر سوعىسىپ جاتىر.

- قازاقستاندا مەملەكەت پەن قۇقىق قورعاۋ ورگاندارى بۇل پروتسەستى بىرازعا دەيىن ۇستاپ كەلدى، الايدا ىقپال ەتۋ ارنالارى مەن قۇرالدارى كەڭەيىپ كەلەدى، جاڭا تەتىكتەر پايدا بولۋدا. 10 جىل بۇرىن الەۋمەتتىك جەلىلەر بولمادى، ءبىز سايتتاردى بۇعاتتاۋ كەرەك دەدىك، قازىر ماتەريالدار مەسسەندجەرلەردىڭ كومەگىمەن تاراپ جاتىر، ياعني جىل وتكەن سايىن جاڭا تاۋەكەلدەر پايدا بولۋدا. بۇل رەتتە ماسەلەنىڭ سەبەپتەرىن وبەكتيۆتى تۇرعىدا ءتۇسىنۋ كەرەك، بۇل وقيعالار مەملەكەت پەن قوعامنىڭ بىرلەسىپ جۇمىس جاساۋ كەرەكتىگىن مەڭزەيدى، - دەدى ەرلان قارين.

ساياساتتانۋشى سونداي-اق جاسوسپىرىمدەر اراسىندا يدەالداردىڭ دەفورماتسياعا ۇشىراعانىن جەتكىزدى. بۇل قاۋىپكە ءبىلىم مەن ۇلتتىق قۇندىلىقتار، سالت-ءداستۇر بولعاندا عانا قارسى تۇرۋعا بولادى دەدى ول. 

Abai.kz