جوقشىلىق
جازۋشى ەميل زوليا تۋرالى ءفيلمنىڭ باستالۋىنىڭ ءوزى قىزىق. سۋرەتشى دوسى پول سەزانن ەكەۋى ەسكى پاتەردە تۇرىپ جاتادى. جاڭبىر جاۋعاندا ءۇي توبەسى تەسىلىپ، ابدەن مازالارى كەتەدى. ۇيدەگى ەسكى-قۇسقى كيىممەن توبەدەگى تەسىكتى بىتەپ، ەكەۋى ابدەن شارشايدى.
ەسىكتى بىرەۋ قاقسا، پاتەر اقىسىن سۇراپ كەلگەن ءۇي يەسى دەپ قورقىپ، ەميل وتىرىك اۋىرىپ قالادى. ايگىلى جازۋشىلار سەكىلدى ول دا جاس كەزىندە جوقشىلىقتان قينالىپ، ازاپتاندى: قارىز الۋ، قارىزعا باتۋ. «دوستوەۆسكي» فيلمىندە دوستوەۆسكي دە باۋىرىنان قايتا-قايتا قيىلىپ اقشا سۇراپ تۇرادى عوي. ومىردە دە سولاي بولعانى راس. تالاي اقشاسىن كارتا ويناپ، ۇتتىردى. بودلەردىڭ اناسىنان قارىز سۇراپ، جىلاعانداي جازعان حاتتارى شە؟ ءوزىمىز جارىماي ءجۇرىپ، ونىڭ حاتىن وقىپ وتىرىپ، بايعۇس بودلەردى قاتتى ايايتىنىمىزدى قايتەسىز؟!
بەتحوۆەن دوسىنا مۇڭىن شاعىپ، جالىنىپ، قارىز سۇراپ، حات جازىپ وتىرعاندا، ارينە، عاسىرلار وتكەن سوڭ، سول حاتى اۋكتسيوندا ميلليونداعان دوللارعا ساتىلاتىنىن بىلگەن جوق. بەتحوۆەننىڭ وقىعان ادامدى ەڭىرەتىپ جىبەرەتىن جوقشىلىق تۋرالى حاتى ءححى عاسىرداعى ءبىر ميلليونەردىڭ «بەت-بەينەسىنە» اينالدى. ال بۇل ميلليونەر سول زاماندا بەتحوۆەنمەن ءبىر قالادا ءومىر سۇرسە، بەتحوۆەندى جارىلقاماس ەدى…
اياگۇل مانتاەۆا
Facebook-تەگى پاراقشاسىنان
