ماكس بوكاەۆ پەن تالعات ايانعا بوستاندىق بەرىلسىن
جەردى قورعاعاننىڭ ءبارى باتىر! ماكس بوكاەۆ پەن تالعات ايان باتىرلارعا بوستاندىق بەرىلۋىن بيلىكتەن تالاپ ەتۋدى توقتاتپاۋ كەرەك.
مەن بيلىكتىڭ، قر ىشكى ىستەر مينيسترلىگى، ۇلتتىق قاۋىپسىزدىك كوميتەتى، پرەزيدەنت اكىمشىلىگىنىڭ لوگيكاسىنا تاڭ قالامىن.
ەگەر ماكس بوكاەۆ پەن تالعات ايان مەملەكەتتى توڭكەرگىسى كەلسە 24 ءساۋىر كۇنى 6000-7000 ادامدى جيناپ الىپ، ءبىر بۇتاق سىندىرماي، ءبىر تەمەكىنىڭ تۇقىلىن تاستاتپاي بەيبىت ميتينگ وتكىزبەس ەدى.
ەگەر ولاردىڭ بيلىكتى توڭكەرەتىن ويى بولسا سونشا ادام الاڭعا جينالعاندا ەلدى سابىرعا شاقىرىپ، ميتينگىنىڭ بەيبىت تۇردە ءوتۋىن ەمەس، ءوزى كەلگەن اكىمدى سوققىنىڭ استىنا الىپ، اكىمشىلىككە شابۋىلداۋعا شاقىرار ەدى.
ولاي بولعان جوق، سەبەبى ولار ميتينگىنى تەك بەيبىت ماقساتتا وتكىزدى. ولار بەيبىت ميتينگ وتكىزۋدىڭ تاماشا ۇلگىسىن كورسەتتى. قازاق حالقىنىڭ ساياسي ساۋاتتى، قوعامدىق بايسالدى، بەيبىتسۇيگىش، دەموكراتياشىل ەكەنىن دالەلدەدى.
ء"وز باتىرىن قادىرلەي الماعان ۇلت باسقا ۇلتتىڭ باتىرىنىڭ اياعىن جۋادى" دەگەن ءسوز بار. ءوز باتىرلارىمىزدىڭ قادىرىنە جەتەيىك، باستاندىققا شىعارۋىن تالاپ ەتەيىك.
ماقسات ءىلياسۇلى
Facebook-تەگى پاراقشاسىنان
