جۇما, 29 ناۋرىز 2024
كاسىپ-ءتۇبى ءناسىپ 4286 0 پىكىر 29 مامىر, 2016 ساعات 14:32

دجەك ما قازاقستاندا شاعىن كاسىپكەرلىكتى بەلسەندى دامىتۋعا كەڭەس بەردى

«جاستاردى شابىتتاندىرىڭىزدار، جاستاردى وقىتىڭىزدار»، – دەدى دجەك ما استانا ەكونوميكالىق فورۋمىنىڭ كەڭەيتىلگەن وتىرىسىندا سويلەگەن سوزىندە. جانە دە ونىڭ ايتۋىنشا، الەمدى ودان ارى قاراي دامىتۋدا ينتەرنەت جاھاندىق قانا ەمەس، نەگىزگى ءرولدى اتقارماق  

دجەك ما – الەمدەگى ەڭ تانىمال كاسىپكەرلەردىڭ ءبىرى. قىتايدىڭ اتاقتى «Alibaba Group» كومپانياسىنىڭ ىرگەسىن قالاۋشى شاعىن كومپانيالاردى وتاندىق ەكونوميكانىڭ نەگىزى دەپ سانايدى.

ول قازاقستاندا دا شاعىن كومپانيالاردىڭ سانىن ارتتىرۋ قاجەت دەپ ەسەپتەيدى:

 «ەگەر سىزدەر ەكونوميكالارىڭىز بۇدان دا قۋاتتىراق بولۋ ءۇشىن سەرۆيستىك قىزمەتتى دامىتقىلارىڭىز كەلسە، شاعىن كاسىپورىندارىڭىز مولىراق بولۋى قاجەت.

ەگەر شاعىن كومپانيالاردى كوبەيتكىلەرىڭىز كەلسە، كاسىپكەرلەرىڭىز كوپ بولۋى ءتيىس.

جاستاردى شابىتتاندىرىڭىزدار، جاستاردى وقىتىڭىزدار».

دجەك مانىڭ پىكىرى بويىنشا، الەمدى ودان ارى قاراي دامىتۋدا ينتەرنەت جاھاندىق قانا ەمەس، نەگىزگى ءرولدى اتقارماق. «ازيا مەن اقش-تىڭ، ازيا مەن ەۋروپانىڭ اراسىندا ەلەكتروندى جول سالامىز دەپ ويلادىق پا؟ كەز كەلگەن شاعىن بيزنەس وسى ەلەكتروندى جولمەن ءجۇرىپ، ءوز ءىسىن تەگىن جۇرگىزە الادى. قولىندا ۇيالى تەلەفونى بار ءار ادام بۇل جولدا قالاعان دۇنيەسىن ساتىپ تا الادى، ساتا دا الادى. مەنىڭ ويىمشا، بۇل ويلانۋعا تۇرارلىق دۇنيە»، – دەدى ما.

ء«بىلىم اقىلدى ەتەدى. ەگەر اقىلدى بولساڭىز، نەگە قول جەتكىزگىڭىز كەلەتىنىن بىلەسىز. الايدا ءومىر – قاتال، ول ءسىزدى دانا بولۋعا ماجبۇرلەيدى. دانالىققا جەتكەندە، نەدەن باس تارتۋعا تۋرا كەلەتىنىن بىلەسىز», – دەدى قىتايدان كەلگەن قوناق.

دجەك ما تەحنولوگيانىڭ دامۋىنا قاتىستى قىزىقتى بولجام جاسادى.  «قازىر قولىمىزدا بار تەحنولوگيالارمەن، مالىمەتتەرمەن الداعى ادامدار 30-40 جىلدا ادام ءتانىن كودتاپ تاستايدى. ءبىز ۇزاعىراق ءومىر سۇرەمىز، قاتەرلى ىسىك اۋرۋى ماسەلەسىن شەشەمىز. 200 جىلدان سوڭ ەشبىر ادام 200 جىلدان ارتىق ءومىر سۇرمەۋى قاجەت دەگەن زاڭ بولۋى دا مۇمكىن»، – دەدى ول.

Abai.kz

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1583
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2283
عيبىرات

قايسار رۋحتى عازيز جان

مۇحتار قۇل-مۇحاممەد 3620