دۇيسەنبى, 27 مامىر 2019
قوعام 2303 0 پىكىر 26 مامىر, 2016 ساعات 11:35

نوبەل سىلىعىنىڭ يەگەرى ورتاق ۆاليۋتا تۋرالى ويىن ايتتى

ەۋرازيا ەكونوميكالىق وداعى اياسىندا ورتاق ۆاليۋتا ەنگىزۋ تۋرالى سولتۇستىكتەگى كورشىلەر جاقتان ەكپىن-ەكپىن ۇسىنىستار ايتىلعانىمەن، قازاقستان مەن بەلارۋسيا تارىپىنان قارسىلىق بايقالعان-دى. وداقتى قۇرۋشى نەگىزگى ۇشتىكتىڭ ەكەۋى قارسىلىق بىلدىرگەن سوڭ، رف پرەزيدەنتى پۋتين دە تىزگىن تارتقانداي سىڭاي تانىتقان.

«ەۋرازيالىق ەكونوميكالىق وداق اياسىندا ورتاق ۆاليۋتا ەنگىزۋ قاتە قادام بولار ەدى!». ەكونوميكا سالاسى بويىنشا نوبەل سىيلىعىن العان ەدۆارد پرەسكوتت استاناداعى نازارباەۆ ۋنيۆەرسيتەتىندە وقىعان ارنايى لەكتسياسىندا وسىلاي دەپتى. ەدۆارد پرەسكوتت ەلوردادا ءوتىپ جاتقان استانا ەكونوميكالىق فورۋمىنا قاتىسۋشى رەتىندە، «Spring Astana Economic School» باعدارلاماسىنىڭ اياسىندا نازارباەۆ ۋنيۆەرسيتەتىندە ءدارىس وقىدى، - دەپ جازادى  «NewTimes.kz» پورتالى.

«مەن ورتاق ۆاليۋتانىڭ بولاشاعىنا كۇمانمەن قارايمىن. ەاەو اياسىندا ورتاق ۆاليۋتا ەنگىزۋ دە ەڭ ۇتقىر شەشىم دەپ ايتا المايمىن. سەبەبى، اتالعان يدەيا ەو-داعى ەۋرونىڭ بالاماسى عانا. ال ەۋرونىڭ قازىرگى جاعدايىنا قاراڭىزشى. سوندىقتان ەۋروعا قاراپ تۇرىپ، قانداي دا ءبىر وداق اياسىندا ورتاق ۆاليۋتا ەنگىزۋ دۇرىس بولادى دەگەنمەن مەن كەلىسپەيمىن»، - دەيدى پرەسكوتت.

سونىمەن قاتار، وبەل سىيلىعىنىڭ يەگەرى قازاقستان، قىرعىزستان، رەسەي، بەلارۋسيا، ارمەنيا بەستىگى قۇرعان جاڭا ينتەگراتسياسى تۋرالى دا ويلارىن ورتاعا سالىپتى.

«مەنىڭشە، ەركىن ساۋدا اينالىمى – بۇل ارقاشان دا جاقسى. بۇنداي پروتسەسسكە قاتىسۋشى بارلىق تاراپ ۇپاي ەنشىلەيدى، ۇتادى»، - دەيدى ساراپشى.

انىقتاما:

ەدۆارد پرەسكوتت – امەريكاندىق ەكونوميست، نوبەل سىيلىعىنىڭ 2004 جىلعى يەگەرى، «الەمنىڭ ەڭ ۇزدىك 100 ەكونوميستىنىڭ» قاتارىنا كىرەدى.  ول اقش، ميننەاپوليس شتاتىنداعى فەدەرالدى، رەزەرۆتىك بانكتىڭ كەڭەسشىسى، اريزونا بيزنەس ۋنيۆەرسيتەتىنىڭ پروفەسسورى.

ايسۇلۋ تۇرسىنباەۆا

Abai.kz

 

 

 

0 پىكىر