استانا قالاسىندا وتكىزىلگەن «WorldSkills Kazakhstan 2016» ۇلتتىق چەمپيوناتىندا وڭتۇستىكتىڭ ستۋدەنتتەرى جۇلدەلى ورىنداردى يەمدەنىپ، جەلتوقسان ايىندا شۆەتسيانىڭ گەتەبورگ  قالاسىندا وتەتىن EuroSkills چەمپيوناتىنا جولداما الدى.

باس قالادا 12-15 قىركۇيەك كۇندەرى وتكەن ۇلتتىق چەمپيوناتقا وبلىسىمىزدان 7 قۇزىرەتتىلىك بويىنشا 7 تەحنيكالىق جانە كاسىپتىك ءبىلىم بەرۋ ۇيىمدارىنىڭ ستۋدەنتتەرى قاتىسىپ، ءوز شەبەرلىكتەرىن جوعارى دارەجەدە كورسەتە ءبىلدى. ماسەلەن، شىمكەنت قالاسىنداعى №5 كوللەدج ستۋدەنتى يۋ.مۋرزاحمەتوۆا «كيىم ديزاينى» قۇزىرەتتىلىگى بويىنشا ءى ورىندى جەڭىپ السا، شىمكەنت قالاسىنداعى №6 جانە شاردارا قالاسىنداعى №16 كوللەدج ستۋدەنتتەرى ە.ءجۇسىپ «كونديتەر» جانە ج.تاۋباي «قۇرعاق ءادىس قۇرىلىسى (سىلاقشى)» قۇزىرەتتىلىكتەرى بويىنشا  ءىى جۇلدەلى ورىننان كورىندى، ال كەنتاۋ كوپسالالى كوللەدجىنىڭ  ستۋدەنتى ت.امانكەلدى جانە №3 كوللەدج ستۋدەنتى س.تۇرلى «ۇزدىك مامان» نوميناتسياسىن ۇتىپ الدى.

اتالعان جەڭىمپازدار قازاقستان رەسپۋبليكاسى ءبىلىم جانە عىلىم ءمينيسترى  ە.ساعاديەۆتىڭ سەرتيفيكاتتارىنا يە بولدى.

قازاقستاندا 2014 جىلدان باستاپ ەنگەن «WorldSkills Kazakhstan 2016»  چەمپيوناتى كاسىبي شەبەرلىكتى تانىتىپ جۇمىسشى ماماندىقتاردى دارىپتەۋ جانە ولاردى قولداۋ ماقساتىندا وتكىزىلگەن جوبا. قازىرگى تاڭدا بۇل اسسوتسياتسيا 76 مەملەكەتتى  قامتىپ، سونىمەن قاتار 80% جەر شارىنداعى حالىقتى بىرىكتىرۋدە.

 چەمپيونات جەڭىمپازدارىن شىن جۇرەكتەن قۇتتىقتاپ، كەلەسى كەزەڭدەردە تولاعاي تابىستار تىلەيمىز!

وقو اكىمىنىڭ ءباسپاسوز قىزمەتى