«ريو دا وتكەن جازعى وليمپيادا ويىندارىندا گرەك-ريم كۇرەسىنىڭ بالۋاندارىنىڭ العاشقى كۇنى جەرەبەسى تارتىلعاندا 59 كەلى سالماق دارەجەسىندەگى المات كەبىسپاەۆ التىن ال، 75 كەلى سالماق دارەجەسىندەگى دوسجان كارتيكوۆ قولاعا قول سوزۋ كەرەك دەپ ىشتەي توپشىلاعانمىن» - دەيدى قازاقستانعا ەڭبەگى سىڭگەن جاتتىقتىرۋشى سەرىك جۇماشەۆ.

- ولاي دەيتىنىم المات الەمدەگى بارلىق قارسىلاستارىمەن بەلدەسىپ، بارلىعىنان ايلاسىن اسىرعان. تاجىريبەسى دە وتە مول ناعىز توپ جاراتىن شاعىندا ەدى. بىراق ءبارى مەن ويلاعانداي بولماي شىقتى. بالۋان فۋنكتسيونالدىق جاعىنان دايىن ەمەس. ياعني قازاقشا ايتقاندا شارشاپ قالدى. ايتپەسە المات ەكىنشى كەزدەسۋىندە سىلبىرلىق تانىتاتىن بالۋان ەمەس. ءبىرىنشى بەلدەسۋدەن كەيىن اشىلىپ، ارى قاراي جانا تۇس ەتىن. بىراق جاپون بالۋانىمەن بوز كىلەمگە شىققاندا-اق المات شارشاپ بەلدەستى. بۇل دەگەنىڭىز بالۋاننىڭ دايىندىق جۇمىسى دۇرىس جۇرگىزىلمەگەن.مەن ونى ءوزىمنىڭ تاجىريبەمە سۇيەنىپ ايتىپ وتىرمىن. ياعني گرەك –ريم كۇرەسىنەن قازاقستان ۇلتتىق قۇراماسىنىڭ باس باپكەرى وليمپيادا ويىندارىنا دايىندىق بارىسى كەزىندە جاتتىعۋ جۇمىستارىن دۇرىس جولعا قويماي سونىڭ سالدارىنان بالۋانداردى قاتتى قيناپ شارشاتىپ العان. ايتپەسە تاجىريبەلى سپورتشىلاردىڭ ەكىنشى كەزدەسۋدەن كەيىن اق بىلگەندەرىنەن جاڭالاتىن جوندەرى جوق ەدى.

سەرىك مۇراتۇلى بالۋانداردىڭ جەكە باپكەرلەرى دە بار عوي. بالكىم قاتەلىك سولاردان كەتكەن بولار؟

- بۇل جەردە جەكە باپكەرلەردىڭ ەش كىناسى جوق دەپ ويلايمىن. وتكەنى قۇراماعا باس باپكەر جاۋاپ بەرەدى. ياعني تاڭات ومىرزاقۇلى. بارلىق وليمپياداعا دايىندىق جوسپارىن سول كىسى دايىندادى. سوندىقتاندا بالۋاندار مەن ولاردىڭ جەكە باپكەرلەرى تەك سول كىسىنىڭ ايتقانىمەن عانا دايىندالدى. مەن ءوزىم بىرنەشە جىل جاسوسپىرىمدەر قۇراماسىنىڭ اعا جاتتىقتىرۋشىسى بولدىم. سول كەزدە الەم چەمپيوناتتارى مەن جاسوسپىرىمدەر اراسىنداعى وليمپيادا ويىندارىنا دايىندالعان كەزدە بارلىق جوسپاردى ءوزىم قۇرىپ، بالۋانداردىڭ بابىندا بولۋىنا تەك ءوزىم عانا جاۋاپ بەرەتىنمىن. جەكە باپكەرلەر تەك مەنىڭ ايتۋىم بويىنشا جۇمىس جاسايتىن. سوندىقتاندا گرەك- ريم كۇرەسىندە وليمپيادا تورىندە بەلدەسكەن ءۇش جىگىتىمىزدىڭ دە دايىندىعى دۇرىس بولعان جوق. ولار باپكەردىڭ قاتەلىگىنەن وزدەرىنىڭ قولدارىندا تۇرعان جۇلدەلەرىنەن ايىرىلىپ قالدى.

گرەك-ريم كۇرەسىندەگى وليمپيادا ويىندارىنداعى بالۋانداردىڭ ءساتى سىزدىگىنە كىنالى سوندا تەك باس باپكەر عانا ما؟

مەنىڭ ويىمشا سولاي. ويتكەنى كومانداعا سول كىسى جاۋاپ بەرەدى. قاراپايىم جانكۇيەر كوزىمەنەن قارايىق. 75 كەلى سالماقتاعى قوس مىقتى رەسەي جانە وڭتۇستىك كورەيا بالۋانى ءبىر جاققا ءتۇسىپ قالدى. جەرەبە بويىنشا . دوسجان كارتيكوۆ كەمىندە قولا الاتىن تولىق مۇمكىندىگى بولدى. ول وتە جاس.بىراق مۇلدەم كۇرەسە العان جوق. ويتكەنى بويىنشا كۇش قۋاتى بولمادى. باپكەر ونىڭ بار مۇمكىندىگىن جاتتىعۋ كەزىندە سارقىپ العان. سپورتتىق تىلمەن ايتقاندا دايىندىق شەگىنىڭ شىڭىنا شىعارا العان جوق. كەرسىنشە ولاردى قۇلدىراتىپ الدى. پسيحولوگيالىق تۇرعىدان جانىپ كەتەتىن جاس بالۋان ەمەس. بارلىق ءىرى جارىستاردا كۇرەسىپ تاجىريبە جيناقتاعان اككى سپورتشى . وسى وليمپيادا بوز كىلەمىنە شىققان بالۋانداردىڭ بارلىعىمەن كۇش سىناسقان. دوسجان ازيا چەمپيوناتىندا قالاي كۇرەسكەنىن جاقسى بىلەسىزدەر قارسىلاس شاق كەلتىرگەن جوق. ول كەزدە سپورتتىق بابىندا بولاتىن. ال ريودا كەرەسىن شە بابى تومەندەپ كەتتى. جاتتىعۋ جيىندارىندا بالۋانداردىڭ قينالىپ كەتكەندەرى كوزدەرىنەن كورىنىپ تۇردى. ازىربايجاندىق قارسىلاسىن الەم چەمپيوناتىندا ۇتقانىن بىلەسىزدەر. بۇل جولى دا ءوز باسىمدىلىعىن بايقاتۋ كەرەك بولاتىن. بىراق كۇش بولماي قالدى بويىندا. ال نۇرماحان تىناليەۆ بولسا كىلەمگە بىراق مارتە شىقتى. نۇرماحاندا ارتىق ايتقاندىق ەمەس. تولىق قولا الاتىن مۇمكىندىگى بولدى. ارينە فاۆوريتتەر كۋبا جانە تۇركيا بالۋاندارى ەكەندىگى بەلگىلى. نۇرماحاننىڭ جەرەبەسىنە قارساڭىز. جارتىلاي فينالعا دەيىن ەش قينالماي جەتەتىن تولىق مۇمكىندىگى بولدى. جارتىلاي فينالدا تۇرىك بالۋانىمەن جولعاتىن ەدى. بالكىم فينالعا دا شىعىپ قالۋى عاجاپ ەمەس ەدى. بىراق ءبىرىنشى اينلامدا –اق نەمىسكە ەسە جىبەردى. كوگىلدىر ەكران ارقىلى قانشاما جانكۇيەر كۋا بولدى. بوز كىلەمنەن ءبىر اۋدارعانعا شاماسى كەلمەدى. قارىمىندا كۇش بولمادى. نۇرماحان ونداي بالۋان ەمەس قوي. كىلەمدەگىنى جۇلىپ الاتىن تولىق مۇمكىندىگى بار. شارشاعاندىقتان مۇلدەم بەلدەسە العان جوق. ەۆروپالىق بالۋاندار ءبىر ۇپاي الاسا بولدى. كىلەمدە ارەكەت جاساماي ءجۇرىپ الادى. نۇرماحان ونى جاقسى ءبىلدى. بىراق قۋىپ ءجۇرىپ كۇرەسەتىن شاما بولمادى. دايىندىق جۇمىستارى كەرى اسەرىن تيگىزدى. وسىلايشا وليمپيادا ويىندارىنان گرەك – ريم كۇرەسىنىڭ بالۋاندارى قولا تۇرعان جۇلدەلەرىن الا الماي بوس قورجىن ورالدى. امال بار ما وكىنىش وزەگىڭدى ورتەيدى. توپ جارىپ جۇلدەگە ىلىنگەن بالۋانداردىڭ ەش قايسىسى ءبىزدىڭ جىگىتتەردەن ارتىق ەمەس قوي. ەندى تەك توكيونى ءتورت جىل كۇتەمىز ال وعان دەيىن ۇلتتىق قۇراما باس باپكەرىن الماستىرماساق ءىسىمىز العا باسپايدى.

ءسىزدىڭ ويىڭىزشا ەندى نە ىستەۋ كەرەك؟

مەنىڭ جەك پىكىرىم بۇل. قازاقستانعا ەڭبەگى سىڭگەن جاتتىقتىرۋشى رەتىندە ايتارىم. ءبىزدىڭ ەلدە گرەك ريم كۇرەسىنىڭ وزىندىك مەكتەبى بولعان. قازىر ول ءۇزىلىپ بارادى. جالعاستىعى جوق. سوندىقتاندا وسى ماسەلەنى مىقتاپ قولعا الۋ قاجەت. جاقسىلىق ۇشكەمپىروۆ اعامىز بار. داۋلەت تۇرلىحانوۆ اعالارامىزبەن اقىلداسىپ سپورت سالاسىنىڭ باسشىلارى فەدەراتسيا وكىلدەرى بولسىن. سول كىسىلەرمەن كەڭەسىپ قولىنان ءىس كەلەتىن باپكەرلەردى تاعايىنداسا. داۋلەت بولاتۇلىنىڭ قولىنا بار مۇمكىندىكتى بەرسە. كۇرەسكە سول كىسى تولىقتاي جاۋاپ بەرەتىن بولسا مىندەتتى تۇردە ناتيجە بولادى. مەن باعا ءسوز باسىندا ايتىپ كەتتىم تالانتتى بالۋاندار تاربيەلەدىك دەپ. جاسوسپىرىمدەر وليمپياداسىنىڭ تۇڭعىش چەمپيونى جانىبەك قاندىباەۆ، الەم چەمپيونى مەنىڭ مارقۇم اكەنىڭ شاكىرتى ارتۋر ۇمبەتقاليەۆ، مەيرامبەك انياقۇلوۆ، اقاپن بايماعانبەتوۆ سەكىلدى جىگىتتەر شىقتى. قازىر جاستار اراسىندا الەم چەمپيونى اتانعان تامەرلان شادۋكاەۆتا ءجاسوسپىرىم كەزىندە نۇرىم دۇيسەنوۆ سەكىلدى باپكەرلەردەن ءتالىم العان. سوندىقتاندا ەندى توكيودا ءبارى كەش بولماس ءۇشىن بۇگىننەن باستاپ قيمىلداۋىمىز قاجەت.

Abai.kz