وقو-دا ءبىرىنشى جارتىجىلدىقتىڭ قورىتىندىسىمەن اۋىل شارۋاشىلىعى جالپى ءونىم كولەمى 123 ملرد تەڭگەنى قۇرادى. بۇل تۋرالى بۇگىن ەلباسىنىڭ جۇكتەگەن فۋنكتسيالارى مەن مىندەتتەرىنىڭ ورىندالۋى بويىنشا وبلىستىق ءماسليحات دەپۋتاتتارىنىڭ الدىنداعى ەسەبىندە وقو اكىمى بەيبىت اتامقۇلوۆ ءمالىم ەتتى.

ء«وڭىرىمىزدىڭ اگرارلى ەكەنىن ەسكەرە وتىرىپ، اۋىل شارۋاشىلىعىنىڭ دامۋىنا ەرەكشە نازار اۋدارىلۋدا. سالانى قولداۋعا جالپى 29 ملرد تەڭگە باعىتتالىپ وتىر.

ەگىس كولەمىن ۇلعايتۋ، يەسىز جەرلەردى يگەرۋ، زاماناۋي تەحنولوگيامەن تامشىلاتىپ سۋارۋ ءادىسىن كەڭىنەن ەنگىزۋ، جىلىجاي قۇرىلىستارى، مال باسىن اسىلداندىرۋ بويىنشا جۇمىستار جۇرگىزىلۋدە. ءبىرىنشى جارتىجىلدىقتىڭ قورىتىندىسىمەن اۋىل شارۋاشىلىعى جالپى ءونىم كولەمى 123 ملرد تەڭگەنى قۇراپ، 2 پايىزعا ارتتى»، - دەدى اكىم.

ونىڭ ايتۋىنشا، ەگىس كولەمى وتكەن جىلدان 13 مىڭ گەكتارعا ارتىپ، 788 مىڭ گەكتاردى قۇرادى. سۋارمالى 466 مىڭ گەكتار جەردىڭ 93 پايىزى يگەرىلۋدە (434 مىڭ گا).

«اعىمداعى جىلى داندىك جۇگەرىدەن 108,4 مىڭ توننا، كوكونىستەن 811 مىڭ توننا، باقشادان 1 252 مىڭ توننا، كارتوپتان 195 مىڭ توننا، ماساقتى داقىلداردان 470 مىڭ توننا ءونىم جينالدى. العاش رەت بيدايدىڭ ورتاشا ونىمدىلىگى 22 تسەنتنەردى  قۇراپ (2015 ج. - 17,8 تس/گا), رەكوردتىق ءونىم الىندى»، - دەدى ب. اتامقۇلوۆ.

اتاپ ايتقاندا، وڭىردە تامشىلاتىپ سۋعارۋ ءادىسى قوسىمشا 6 000 جۋىق گەكتارعا ەندىرىلىپ، جالپى كولەمى 49,7 مىڭ گەكتارعا جەتتى (رەسپۋبليكاداعى ۇلەسى 73%).

جىلىجايلار قوسىمشا 72 گەكتارعا سالىنىپ، جالپى 1 098 گەكتاردى (رەسپۋبليكاداعى ۇلەسى 87%) قامتىدى. وسى جىلىجايلاردان 80 مىڭ توننا كوكونىس ونىمدەرى جينالدى. ال تەرەڭ قوپسىتۋ تەحنولوگياسى 89 مىڭ گەكتارعا ەنگىزىلدى. 

Abai.kz