سيريا بىتىمگەرشىلىكتىڭ "اياقتالعانىن" مالىمدەدى
سيريالىق SANA اگەنتتىگىنىڭ حابارلاۋىنشا، پرەزيدەنت باشار اساد جۇيەسىنىڭ قارۋلى كۇشتەرى وق اتپاۋ تۋرالى ءبىتىم اياقتالعانىن جاريالادى.
مالىمدەمەدە سيريالىق جۇيەنىڭ قارسىلاستارى ءبىتىم شارتتارىن بىرنەشە مارتە بۇزعانى، وق اتپاۋ مەرزىمىن جاڭا شابۋىلدار باستاۋعا پايدالانىپ كەلگەنى ايتىلادى.
داماسك ۇستانىمى رەسەي قارۋلى كۇشتەرى باس شتابىنىڭ باس شۇعىل باسقارما باستىعى سەرگەي رۋدكوۆتىڭ مالىمدەمەسىنەن سوڭ بىرنەشە ساعاتتان كەيىن بەلگىلى بولدى. رەسەيدىڭ قورعانىس مينيسترلىگى سيريالىق ۇكىمەت كۇشتەرى ءبىتىم شارتتارىن ءبىر جاقتى ساقتاۋدىڭ ەشقانداي قاجەتتىگى جوق دەپ ەسەپتەيدى.
اقش مەملەكەتتىك دەپارتامەنتىنىڭ رەسمي وكىلى دجون كيربي 19 قىركۇيەكتە سيريالىق قولباسشىلىقتىڭ مالىمدەمەسىنە بايلانىستى رەسەيلىك تاراپتان تۇسىنىكتەمە كۇتەتىنىن مالىمدەدى. ول وق اتپاۋ جۇيەسىن ساقتاۋدا داماسك ءۇشىن رەسەي جاۋاپتى بولعانىن اتاپ ءوتتى.
سيرياداعى ءبىتىم بيىل 12 قىركۇيەكتە باستالدى. جەنەۆادا ۇزاققا سوزىلعان كەلىسسوزدەر بارىسىندا اقش پەن رەسەي ديپلوماتيالىق مەكەمە باسشىلارى دجون كەرري مەن سەرگەي لاۆروۆ وسىنداي ورتاق كەلىسىمگە كەلگەن ەدى.
اباي اقپارات
