ورىس ءباسپاسوزى قازاق بوكسشىسى گەننادي گولوۆكيندى كەزەكتى رەت «رەسەي ازاماتى» اتاندىردى. «جۋرناليستسكيا پراۆدا» گازەتى GGG-ءدىڭ  بريتان بوكسشىسى كەلل برۋكپەن بولعان جۋىرداعى جەكپە-جەگىنەن كەيىن ونى «رەسەي بوكسشىسى» دەپ جازدى.

ەستەرىڭىزگە سالا كەتەيىك، گولوۆكينمەن شارشى الاڭدا شايقاسىپ كورمەك بولماعان بريتان بوكسشىسى...قازىر ەمحانادا جاتىر. قارسىلاسىن رينگتتەن «رەنيماتسياعا» اتتاندىرعان گولوۆكيننىڭ  ەرلىگىنە ەسى كەتسە كەرەك، ونىڭ زاتى ورىس  بولعانىن مالدانعان ورىس ءباسپاسوزى تاعى دا بەلدەن باسىپتى. بۇلاي دەۋىمىزگە سەبەپ: بۇنىڭ الدىندا، 2015 جىلى گازەتا.رۋ سايتى دا ءبىزدىڭ سارى بالانى «رەسەي ازاماتى» دەپ «جاڭالىق» اشقان-دى. سپورت ويىندارىن تەلەارنالاردان تاراتاتىن رەسەي تىلشىلەرى دە GGG-ءدى كەيدە وتىرىك جاڭىلىسقان بولىپ، ء«بىزدىڭ جىگىت»، «رەسەي ازاماتى» دەي سالادى. الايدا، گولوۆكين الگىندەي «قاتە اقپاراتتارعا» نەمكەتتى قاراعان ەمەس، تۇزەتۋ ەنگىزىپ، تەزگە سالىپ وتىرادى. ورىس جۋرناليستەرىنىڭ ويىنداعى قارۋلىققا قارىمتا جاساۋ كەرەكتىگىن ابدەن تۇسىنسە كەرەك، بىردە ول: «اكەم – ورىس، شەشەم – كارىس، ال، مەن ءوزىم – قازاقپىن!» دەپ سالعان ەدى.

«گولوۆكين – قازاقستاننىڭ شىن پاتريوت ۇلى. ول ءار جەكپە-جەككە قازاق شاپانىن جامىلىپ، قازاقى رۋحپەن شىعادى. ونىڭ بولمىسىندا، جان دۇنيەسىندە تۋعان ەلىنە دەگەن زور قۇرمەت بار» دەيدى قازاقستاندىق جانكۇيرەلەر.

P.S. ورىس ءباسپاسوزى الگىندەي دەگەنىمەن باتىس جۋرناليستەرى ءناسىلىن، تەگىن تەرگەمەستەن ازاماتتى، تۇلعانى ەلىنە قاراپ اتاي بەرەدى. باتىس ءباسپاسوزى ءۇشىن مىسالى، گولوۆكين - قازاق، بالىق بالا باللاندين دە - قازاق. رىپاكوۆا، لەۆيتتەر دە - قازاق. بۇنداي "قازاقتىقتى" الەمدە تەك ورىس جورنالشىلارى عانا مويىندامايدى.  

Abai.kz