شىمكەنتتە Street Workout الاڭى اشىلدى. سپورت الاڭشاسىنىڭ اشىلۋىنا قازاقستان رەسپۋبليكاسىنىڭ ۇلتتىق وليمپيادا كوميتەتى قولداۋ كورسەتتى. بۇل تۋرالى  «Abai.kz» پورتالى قالا اكىمدىگىنىڭ رەسمي سايتىنا سىلتەمە جاساي وتىرىپ حابارلايدى.

شىمكەنتتەگى تاۋەلسىزدىك ساياباعىندا اشىلعان الاڭدا اشىق اسپان استىندا سپورتپەن جاتتىعۋعا بولادى. سالاۋاتتى ءومىر سالتىن ساقتاۋعا ارنالعان Street workout قوزعالىس قۇرالدارى وبلىس ورتالىعىنىڭ بىرنەشە اۋماعىنا ورناتىلىپ، تۇرعىنداردىڭ سپورتپەن تەگىن شۇعىلدانۋىنا مۇمكىندىك تۋدىرىپ وتىر. بۇل ويىن الاڭدارى 20-دان استام ءتۇرلى سناريادتان قۇرالعان.

اتالعان سپورت الاڭدارىنىڭ قۇرىلىسى ۇلتتىق وليمپيادا كوميتەتىنىڭ پرەزيدەنتى تيمۋر قۇلىباەۆتىڭ باستاماسىمەن ءارى قارجىلاي قومەگىمەن. شىمكەنت قالاسىنىڭ اكىمى عابيدوللا ءابدىراحىموۆتىڭ قولداۋىمەن سالىنعان. بۇل جوبا ەلىمىزدىڭ ءار وڭىرىندە بالالار مەن جاستاردىڭ بۇقارالىق سپورتقا دەگەن قىزىعۋشىلىعىن وياتۋدى كوزدەيدى دەيدى جاۋاپتىلار.

ايتا كەتەيىك، شىمكەنتتە جاسوسپىرىمدەر اراسىندا ۆوركاۋت قارقىندى دامىپ كەلەدى. ەستەرىڭىزدە بولسا ۇستىمىزدەگى جىلى شىمكەنتتىك ۆوركاۋتشى جىگىت Street Workout-تان الەم كۋبوگىنە جولداما جەڭىپ الدى. الماتى قالاسىندا وتكەن وڭتۇستىك قازاقستاننىڭ اشىق كۋبوگىندە 17 جاسار حاميت اسىلبەك كۇمىس جۇلدەنى ۇتىپ العان بولاتىن. حاميت اسىلبەك شىمكەنتتەگى بەلگىلى «XIII Legion» ۆوركاۋتشىلار كومانداسىنىڭ مۇشەسى. بۇل كوماندا ءۇش بىل بۇرىن قۇرىلعان. سودان بەرى جىگىتتەر قالاداعى اۋلالاردا سالاۋاتتى ءومىر سالتىن قالىپتاستىرىپ ءجۇر. 2014 جىلدىڭ سوڭىندا «XIII Legion» كومانداسى استانا قالاسىندا وتكەن الەم چەمپيوناتىندا ۇزدىك دەپ تانىلدى.

Abai.kz