قازاقستاندىق كاسىپقوي بوكسشى جاڭقوش تۇراروۆ جارتىلاي ورتا سالماقتا سولتۇستىك امەريكا (NBA) ۋاقىتشا چەمپيوندىق بەلبەۋىن جەڭىپ الدى، — دەپ حابارلايدى Massaget.kz. كەزدەسۋ نيۋ-يورك قالاسىندا ءوتتى.

وتانداسىمىز برازيليالىق بوكسشى حواكيم كارنەيرونى ءبىرىنشى راۋندتا نوكاۋتپەن جەڭدى. وسىلايشا جاڭقوش تۇراروۆ سپورتتىق مانسابىنداعى 18-ءشى جەڭىسىنە قول جەتكىزىپ وتىر. ول ونىڭ 13-ءىن مەزگىلىنەن بۇرىن اياقتاعان. 12 راۋندقا جوسپارلانعان جەكپە-جەكتە وتانداسىمىز ءبىرىنشى راۋندتا-اق قارسىلاسىنان قاۋقارلى ەكەنىن تانىتا ءبىلدى.

ايتا كەتەيىك، 28 جاستاعى برازيليالىق بوكسشى وسىعان دەيىن 28 كەزدەسۋ وتكىزىپ، 22-دە جەڭىسكە جەتكەن. ونىڭ 20-سىن نوكاۋتپەن اياقتاعان. سونداي-اق،  WBC نۇسقاسى بويىنشا الەم چەمپيوندىعىنا ۇمىتكەر بولعان، ال قازىر ءوز ەلىنىڭ سۋپەرجەڭىل سالماقتاعى (140 فۋنت — 63,5 كگ) چەمپيونى بولاتىن.  

Abai.kz