قۇرلىقتىقحوككەي ليگاسىنا ەندى قوسىلعان «كۋنلۋن رەد ستار» كومانداسى استانادا قر پرەزيدەنتى كۋبوگى ءۇشىن جارىستا «بارىس» كومانداسىنا قارسى ويناۋدان باس تارتتى دەپ جازادى "ult.kz" پورتالى.

بەيجىڭنەن كەلگەن حوككەيشىلەر مەن جەرگىلىكتى «بارىس» اراسىنداعى كەزدەسۋ جاپپاي توبەلەستەن باستالدى. سونىڭ سالدارىنان «بارىس» كلۋبىنىڭ ەكى حوككەيشىسى دامير رىسپاەۆ پەن ماديار يبرايبەكوۆ ماچت سوڭىنا دەيىن شەتتەتىلدى. ءوز كەزەگىندە، توبەلەستە قاتتى سوققى جەگەن قىتايلىق "كۋنلۋن رەد ستار" كومانداسىنا ماچتى ارى قاراي جالعاستىرۋدان باس تارتقانى ءۇشىن 5:0 ەسەبىمەن جەڭىلىس جازىلدى.

وسىلايشا، استانالىقتار داستين بويد ءۇشىن ەسە قايتارعانعا ۇقسايدى. ەستە بولسا، 5 تامىزدا «بارىس» كومانداسىنىڭ شابۋىلشىسى داستين بويد "كۋنلۋن رەد ستار" حوككەيشىلەرىنە قارسى بولعان ويىندا اياعىن سىندىرىپ العان بولاتىن. سول ويىندا دورەكىلىكپەن ەرەكشە كوزگە تۇسكەن قىتايلىقتار جەڭىسكە دە جەتكەن ەدى. وسىنىڭ كەسىرىنەن «بارىستىڭ» 41-ءشى ءنومىرلى ويىنشىسى 4 ايعا دەيىن جارىس جولىنان شىعىپ قالدى.