كەڭەستىك كەزەڭنىڭ جەتپىس جىلىندا اتقارىلماعان جۇمىستار تاۋەلسىزدىك تۇسىندا قارقىندى جۇرگىزىلىپ جاتىر.  ول كەزەڭدە «گۇلدەنسە اۋىل – گۇلدەنەمىز ءبارىمىز» دەپ ۇرانداتقانىمەن الىس اۋىلدار تۇگىلى اۋدان ورتالىقتارى كوركەيە قويعان  جوق ەدى. بۇگىنگى تاڭدا ەلىمىزدەگى مونوقالالار مەن اۋدان ورتالىقتارىن ايتپاعاندا شالعايدا شاعىن ەلدىمەكەندەردىڭ ءوزى كۇن ساناپ شىن مانىندە گۇلدەنىپ، كورگەن ادامنىڭ كوزى توياتىنداي كەيىپكە ەنىپ كەلەدى.

ەلباسىمىز ن.ءا.نازارباەۆتىڭ تىكەلەي پارمەنىمەن  ايماقتاردى دامىتۋ قولعا الىنىپ، بۇكىل رەسپۋبليكا بويىنشا ەلدىمەكەندەردى اباتتاندىرۋ مەن كوگالداندىرۋ جۇمىستارى قارقىندى جۇرۋدە. مۇنىڭ جارقىن مىسالىن  وتىرار اۋدانىنان دا كورۋگە بولادى.

بۇگىن اۋدان اكىمى ەرلان ايتاحانوۆ اباتتاندىرۋ، كوگالداندىرۋ جۇمىستارى جۇرگىزىلىپ جاتقان نىسانداردى ارالاپ،  اتقارىلىپ جاتقان جۇمىس بارىسىمەن تانىسىپ شىقتى.

اۋدانداعى «جاستار»، «ارداگەرلەر»، «قازاقستان رەسپۋبليكاسى تاۋەلسىزدىگىنىڭ 20 جىلدىعى»، «داڭقتى بابالار ساياجولى»، «باتىر انالار ساياجولى» ساياباقتارىنداعى جۇمىستار كەستە بويىنشا ءجۇرىپ جاتقانىنا كوز جەتكىزدىك.

سونىمەن قاتار، ءشاۋىلدىر، م.شويمانوۆ، ەسكى شىلىك، تەمىر ەلدىمەكەندەرىندەگى كوشەلەرگە دە اباتتاندىرۋ جانە كوگالداندىرۋ جۇمىستارى قارقىندى جۇرگىزىلۋدە ەكەن.

ارالاۋ بارىسىندا اۋدان اكىمى ءتيىستى سالا باسشىلارىنا جۇرگىزىلىپ جاتقان جۇمىستاردىڭ ساپاسى مەن مەجەلەنگەن مەرزىمدە اياقتالۋى قاجەتتىلىگىن مىندەتتەدى.

Abai.kz