سەنبى, 23 قازان 2021
جاڭالىقتار 3265 0 پىكىر 1 تامىز, 2016 ساعات 09:56

تۇركيا ەۋرووداقتان ۆيزاسىز جۇيەنى تالاپ ەتۋدە

تۇركيا ەۋرووداقتان بيىلعى جىلدىڭ قازان ايىنا دەيىن ۆيزاسىز جۇيەنى تالاپ ەتەدى. ولاي بولماعان جاعدايدا، انكارا بوسقىندارعا قاتىستى كەلىسىمدى بۇزادى دەپ مالىمدەدى تۇركيانىڭ سىرتقى ىستەر ءمينيسترى مەۆليۋت چاۆۋشوگلۋ.

ديپلومات تۇرىك بيلىگى ەۋرووداقتان ۆيزانى الىپ تاستايتىن ۋاقىتتى ناقتى ايتۋىن كۇتەدى دەيدى. ناۋرىز ايىندا تۇركيا مەن ەو ميگراتسيالىق داعدارىسپەن كۇرەسۋ جونىندە ورتاق جوسپار قابىلداعان بولاتىن. وعان سايكەس، تۇركيادان تەڭىز ارقىلى زاڭسىز كەلگەن ميگرانتتار كەرى قايتارىلۋى ءتيىس. بوسقىنداردى ۇستاپ وتىرۋ ءۇشىن ەو تۇركياعا 6 ميلليارد ەۋرو بولۋگە ۋادە ەتكەن.

الايدا تۇركيا مەملەكەتتىك توڭكەرىس ارەكەتىنەن كەيىن ادام قۇقىقتارى جونىندەگى ەۋروپالىق كونۆەنتسيانى ۋاقىتشا توقتاتتى. تۇركيا پرەزيدەنتى رەجەپ ەردوعان بۇلىكشىلەرگە ءولىم جازاسىن قاراستىرىپ جاتقانىن ايتتى. وسىدان كەيىن ەۋرووداق تۇركياعا بيىلدىققا ۆيزاسىز رەجيمدى الىپ تاستادى.

اباي-اقپارات

0 پىكىر