جۇما, 29 ناۋرىز 2024
جاڭالىقتار 4199 0 پىكىر 1 تامىز, 2016 ساعات 09:54

اەر/ار پرەزيدەنتى توماس كەنت ەرەۆاندا جۋرناليستەرگە جاسالعان شابۋىلدى ايىپتادى

«ازات ەۋروپا/ازاتتىق راديوسىنىڭ» پرەزيدەنتى توماس كەنت شىلدەنىڭ 29-ى ەرەۆاندا پوليتسيا مەن شەرۋشىلەر قاقتىعىسى وقيعاسىنان حابار تاراتقان ازاتتىقتىڭ ارميان قىزمەتىنىڭ جۋرناليستەرىنە جاسالعان شابۋىلدى ايىپتادى.

«ازات ەۋروپا/ازاتتىق راديوسى كاسىبي مىندەتىن اتقارىپ جۇرگەن جۋرناليستەرگە جاسالعان شابۋىلدى ايىپتايدى. ارمەنيا ۇكىمەتى شابۋىل جاساعانداردى جاۋاپقا تارتىپ، ءوز زاڭدى مىندەتىن اتقارعان جۋرناليستەرگە قورعاۋ تانىتادى دەپ كۇتەمىز» دەگەن توماس كەنت.

ارمەنيا استاناسىندا پاترۋلدىك پوليتسيا پولكىنىڭ ايماعىن باسىپ العان «ساسنا تسرەر» قارۋلى توبىنا قولداۋ ءبىلدىرىپ جۇما كۇنى كەشكە شەرۋگە شىققاندار مەن پوليتسيا اراسىندا قاقتىعىس بولعان جەردەن تىكەلەي حابار تاراتىپ جۇرگەن ازاتتىقتىڭ ارميان قىزمەتىنىڭ (ازاتۋتيۋن راديوسى) جۋرناليستەرى كارلەن اسلانيان، وۆاننەس موۆسيسيان جانە گاريك ارۋتيۋنيانعا تاياق، تەمىرمەن قارۋلانعان ازاماتتىق كيىمدەگى بەلگىسىز ادامدار شابۋىل جاساعان.

موۆسيسياننىڭ سوزىنشە، ول ءوزىنىڭ ءتىلشى ەكەنىن ايتىپ، قىزمەت كۋالىگىن كورسەتكەنىمەن، شابۋىلداۋشىلار ءجۋرناليستىڭ فوتواپپاراتىن سىندىرىپ، ءوزىن سوققىعا جىققان. ونىڭ جانىنداعى ەكى ارىپتەسى دە جەڭىل جاراقات العان.

ارمەنيا پوليتسياسىنىڭ ءباسپاسوز حاتشىسى اشوت اگارونيان جۇما كۇنى ازاتتىق تىلشىلەرى مەن وزگە دە جۋرناليستەرگە قارسى جاسالعان شابۋىل وقيعاسى تەكسەرىلەتىن بولادى دەپ ۋادە بەردى. ارمەنيانىڭ ادام قۇقىعى جونىندەگى ۋاكىلىنىڭ كەڭسەسى دە بۇل وقيعانىڭ ءمان-جايىن زەرتتەيتىنىن مالىمدەگەن.

«ازات ەۋروپا/ازاتتىق راديوسى» – شىعىس جانە وڭتۇستىك-شىعىس ەۋروپا، كاۆكاز، ورتالىق جانە وڭتۇستىك ازيا ەلدەرى، تاياۋ شىعىس پەن رەسەيگە حابار تاراتاتىن حالىقارالىق بۇقارالىق اقپارات قۇرالى. راديونى اقش-تىڭ حابار تاراتۋ ءىسى بويىنشا باسقارۋشى كەڭەسى ارقىلى اقش كونگرەسى قارجىلاندىرادى.

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1572
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2267
عيبىرات

قايسار رۋحتى عازيز جان

مۇحتار قۇل-مۇحاممەد 3568