سەيسەنبى, 22 ماۋسىم 2021
ەكونوميكا 2735 0 پىكىر 10 قاراشا, 2016 ساعات 00:00

بيزنەستىڭ الەۋمەتتىك جاۋاپكەرشىلىگى اياسىندا 4 بالا باقشا اشىلادى

الماتىدا جىل اياعىنا دەيىن 4 بالا باقشا، 600 ورىندى 1 مەكتەپ، 25 بالالاردىڭ ويىن الاڭدارى جانە باسقا نىساندار پايدالانۋعا بەرىلەدى ءارى بۇلاردىڭ بارلىعى جەكە قارجى ەسەبىنەن سالىنۋدا. جالپى،بيزنەسمەندەر قۇنى 40 ملرد. تەڭگە بولاتىن 49 جوبانى جۇزەگە اسىرۋدا.

ءوزىنىڭ كەزەكتى جۇمىس ساپارى بارىسىندا قالا اكىمى وسىنداي نىسانداردىڭ ءبىرى- №124 كوررەكتسيالىق تيپتەگى قازاق بالا باقشاسىندا بولدى. 1961 جىلى سالىنعان مەكەمە اپاتتى دەپ سانالعان، الايدا جەكە ينۆەستور ونىڭ قۇرىلىسىنا 400 ملن. تەڭگەدەن استام قارجى جۇمساپ، ونى قايتا سالدى جانە سەيسميكالىق قۋاتىن كۇشەيتتى.

«بۇل بالا باقشا مەملەعكەت باسشىسىنىڭ بۇرىندارى بەرگەن تاپسىرماسى اياسىندا ىسكە قوسىلادى ءارى ساپاسى دا جوعارى. بىزگە تۇرعىندار ءۇشىن بارلىق جاعدايلاردى جاساۋ قاجەت. اتا-انالار ءۇشىن بالالارىنىڭ ۋاقتىلى تاماقتانعانى، قوعامعا بەيىمدەلگەنى، ءبىلىم العانى، ەڭ باستىسى قاۋىپسىزدىگى بارىنشا ماڭىزدى», - دەپ اتاپ ءوتتى اكىم.

جوبا دەمەۋشىلەرى – «RBK» بانكى نىساندى قايتا جاساپ شىقتى، جاڭا تەحنيكا مەن قازاقستاندىق مەبەلدەردى ساتىپ الۋدا.

قۇرىلىس بارىسىندا قازاقستاندىق ۇلەس 90%، قۇرادى، بۇل شاعىن جانە ورتا بيزنەستىڭ قولداۋ تاپقاندىعىن كورسەتەدى. نىساندى قايتا جاساۋ كەزىندە 200 جۇمىس ورنى پايدا بولدى، ىسكە قوسىلعان كەزدەن باستاپ مۇندا 35 ادام تۇراقتى جۇمىس ىستەيتىن بولادى.

جاڭا بالا باقشا 1 جەلتوقسان- ەلىمىزدىڭ تۇڭعىش پرەزيدەنتى كۇنى اشىلادى دەپ جوسپرالانعان، بالا باقشا 100 ورىندى. مەملەكەتتىك- جەكە سەرىكتەستىك اياسىندا مەدەۋ اۋدانىندا قازىردىڭ وزىندە 146 بالا باقشا سالىنعان.

abai.kz

0 پىكىر