بۇگىن قر پارلامەنتى ءماجىلىسىنىڭ دەپۋتاتى سەرگەي دياچەنكو اۋىر ناۋقاستان قايتىس بولدى. وسىعان بايلانىستى ءماجىلىستىڭ پلەنارلى وتىرىسى ءبىر مينۋت ۇنسىزدىكپەن باستالدى، دەپ حابارلايدى Baq.kz ءتىلشىسى .

«سەرگەي دياچەنكو ءماجىلىستىڭ ەكىنشى، ءۇشىنشى، ءتورتىنشى، بەسىنشى، التىنشى شاقىرىلىمدارىندا دەپۋتات بولدى. توراعانىڭ ورىنباسارى قىزمەتىن اتقاردى. وكىنىشكە قاراي، بۇگىن تاڭەرتەڭ اۋىر ناۋقاستان قايتىس بولدى. بارلىقتارىڭىزدىڭ اتىنان مارقۇمنىڭ وتباسىنا قايعىرىپ كوڭىل ايتامىن»، - دەدى نۇرلان نىعماتۋلين.

ايتا كەتەيىك،سەرگەي الەكساندروۆيچ دياچەنكو 1952 جىلى 18 قىركۇيەكتە اقمولا وبلىسىنىڭ شورتاندى ەلدى مەكەنىندە دۇنيەگە كەلگەن. 1973 جىلى كۋيبىشەۆ جوسپارلاۋ يستيتۋتىن ەكونوميست ماماندىعى بويىنشا، 1987 جىلى الماتى جوعارى پارتيا مەكتەبىن ءتامامدادى. ساياسات عىلىمىنىڭ دوكتورى. قازاقستان رەسپۋبليكاسى ساياسي عىلىم اكادەمياسىنىڭ كوررەسپوندەنت-مۇشەسى. ءماجىلىستىڭ بىرنەشە شاقىرىلىمىندا دەپۋتات بولدى. اقمولا وبلىسى اكىمى قىزمەتىن اتقاردى.

Abai.kz