وڭتۇستىك قازاقستان وبلىسىنىڭ سپورتشىلارى 2016 جىلدىڭ 9 ايىندا ء تۇرلى سپورت تۇرلەرىنەن قازاقستان رەسپۋبليكاسىنىڭ چەمپيوناتتارى مەن بىرىنشىلىكتەرىنە قاتىسىپ، 390 التىن، 384 كۇمىس، 377 قولا مەدالعا قول جەتكىزسە، ازيا چەمپيوناتتارىندا 19  التىن،  15  كۇمىس جانە 19  قولا مەدالگە يە بولدى. ال وسى مەرزىم ارالىعىندا وعلاندارىمىز ءتۇرلى سپورت بويىنشا وتكەن الەم چەمپيوناتتارى مەن كۋبوكتارىندا 16  التىن، 8  كۇمىس جانە 7 قولا مەدال جەڭىپ الدى. وسىلايشا وڭتۇستىكقازاقستاندىق سپورتشىلار جىل باسىنان بەرى ءتۇرلى سپورت تۇرىنەن 1235 مەدالعا قول جەتكىزدى. بۇل ەلباسىنىڭ قازاقستاندىق سپورتقا كورسەتىلىپ جاتقان قولداۋى مەن  سپورتتىڭ دامۋىنا ۇلكەن ءمان بەرىلۋىنىڭ ارقاسى دەپ بىلەمىز.  

ەسكە سالايىق، سوڭعى  بەس جىلدا رەسپۋبليكا اۋماعىندا قولعا الىنعان قازاق كۇرەسىنەن «قازاقستان بارىسى» جوباسى شەڭبەرىندە وسى جىلى 3 شىلدە كۇنى استانا قالاسىندا وتكەن رەسپۋبليكالىق اقتىق سايىستا وڭتۇستىكقازاقستاندىق سپورتشى جۇمانازار ەرسۇلتانوۆ «قازاقستان بارىسى – 2016» سايىسىنىڭ  2 ورىن يەگەرى اتاندى. ال 2016 جىلدىڭ 5-21 ارالىعىندا XXXI جازعى وليمپيادا ويىندارىندا اۋىر اتلەتيكادان  جازيرا جاپپارقۇل ءىى ورىندى يەمدەنسە، دزيۋدودان ءىىى ورىندى گالبادراح وتگونتسەتسەگ جەڭىپ العان بولاتىن.

بۇگىندە وڭىردە 32 حالىقارالىق دارەجەدەگى سپورت شەبەرى، 124 قازاقستان رەسپۋبليكاسىنىڭ سپورت شەبەرى، 713 سپورت شەبەرىنە ۇمىتكەر  دايىندالدى.

وڭتۇستىك قازاقستان وبلىسىنان سپورت تۇرلەرى بويىنشا قازاقستان رەسپۋبليكاسىنىڭ ۇلتتىق قۇراما كومانداسىنىڭ نەگىزگى قۇرامىنا               411 سپورتشى، جاستار قۇراماسىندا 415 سپورتشى، جاسوسپىرىمدەر قۇراماسىندا  263 سپورتشى، جالپى 1089 سپورتشى بەكىتىلگەن. سونداي-اق، سپورت تۇرلەرى بويىنشا ۇلتتىق قۇراما ساپىنا ەنگەن 119 سپورتشىعا اي سايىن ستيپەنديا تولەنۋدە.

وقو اكىمىنىڭ ءباسپاسوز قىزمەتى