الماتىدا وڭىرارالىق كووپەراتسيانى نىعايتۋ ماسقاتىندا مەگاپوليس ينۆەستورلارى مەن كاسىپكەرلەرى شىعىس قازاقستان وبلىسىنىڭ اكىمى دانيال احمەتوۆ باستاعان دەلەگاتسيامەن كەزدەستى.

شارا بارىسىندا الماتى اكىمى باۋىرجان بايبەك مەگاپوليستە وتاندىق وندىرۋشىلەر مەن ازىق- تۇلىك قاۋىپسىزدىگىنە ەرەكشە ءمان بەرىلەتىنىن جەتكىزدى. بۇل مەملەكەت باسشىسى العا قويعان مىندەت ەكەندىگىن، ونى ءوزارا بىرلەسىپ جۇزەگە اسىرۋدىڭ بەرەرى مولدىعىن دا اتاپ ءوتتى.

ء«بىز ەلىمىزدىڭ سەگىز وبلىسىمەن بايلانىس ورناتتىق، كەزدەسۋلەر ناتيجەسىندە الماتى قالاسىنا ءونىمدى تىكەلەي جەتكىزۋ بويىنشا 30 كەلىسىمگە قول قويىلدى. الماتى – ءونىم وتكىزۋدىڭ باستى نارىعى، سوڭعى بەس جىل ىشىندە قالا تۇرعىنىنىڭ قاتارى 20%-عا ءوسىپ، 1,7 ملن. ادامنان استى، تاياۋداعى 15 جىل ىشىندە 46%-عا جەتەدى دەپ كۇتىلۋدە. جىل ىشىندە 1 ترلن تەڭگە ءتۇراتىن ازىق- تۇلىك قولدانىلادى، ونىڭ 300 ملردى – يمپورت. الەۋەتىمىز ۇلكەن » ، - دەدى ب.بايبەك.

الماتى اكىمى اكىمشىلىك كەدەرگىلەردى جويا وتىرىپ، اگروكەشەن سالاسىندا بايلانىس كولەمىن ارتتىرۋ قاجەتتىگىن ايتتى.

« قالا يمپورتىنىڭ قۇرىلىمىنا تالداۋ جۇرگىزۋ بارىسىندا مول كولەمدە يمپورتتالاتىن 86 ساۋدا توبى انىقتالدى. مىسالى، ىرىمشىكتەر مەن قۇس ەتتەرىنىڭ تەڭ جارتىسى، شۇجىق جانە سارى ماي ونىمدەرىنىڭ 40% -دان استامى يمپورتتالادى ەكەن. ءبىزدىڭ مىندەتىمىز ولاردىڭ ورنىن ءوزىمىزىدىڭ ساپالى وتاندىق ونىمدەرمەن تولتىرۋ»  ، - دەدى ب.بايبەك.

اتاپ وتەرلىك جايت، بيىلعى جىلدىڭ مامىر ايىندا الماتىلىق ساۋدا ورىندارىنا شقو-نىڭ ونىمدەرى تۇسكەن بولاتىن. شەبەرلىك سىنىپتارى وتكىزىلىپ، بۇگىنگى كۇنى شقو قالاعا ءونىمنىڭ 100 ءتۇرىن جەتكىزۋدە. ەكى جاق تا ءوزارا كەلىسە وتىرىپ، يمپورتتىق ءونىمدى الماستىراتىن تاۋار شىعارۋدى ارتتىرماقشى.

شقو-نىڭ اكىمى دانيال احمەتوۆ ءوڭىردىڭ يندۋستريالدى قۋاتى مەن اگرارلىق پوتەنتسيالىنىڭ جوعارى ەكەندىگىن ايتتى. تاياۋداعى 15 جىل ىشىندە ءوڭىردىڭ ينۆەستيتسيالىق تارتىمدى ءارى دامىعان ايماققا اينالاتىندىعىن اتاپ ءوتتى.

ء«بىز ءسۇت ونىمدەرىن كوپ وندىرەمىز، مال شارۋاشىلىعى سالاسى جاقسى دامىعان، وڭىردە قۇس ەتىن ءوندىرۋ جوباسى جۇزەگە اسۋدا. ءبىز ينۆەستورلارعا قاجەتتى ءونىم ءوندىرۋ ءۇشىن 90 000 گەكتار سۋارمالى جەر ۇسىنا الامىز»،  - دەدى د.احمەتوۆ.

كەزدەۋسگە قاتىسقاندا شقو ءار وڭىرىنەن جەتكىزىلگەن 50 توننا بالدىڭ ءدامىن تاتىپ، «MagnumCash&Carry» گيپەرماركەتىنىڭ اسسورتيمەنتىمەن تانىستى.

abai.kz