وڭتۇستىك قازاقستان وبلىسى اكىمدىگىندە «Kazakhstan Forbes» جۋرنالىنىڭ تىزىمىنە ەنگەن 30-عا جۋىق بيزنەسمەندەر مەن وڭىرىمىزدەگى ءىرى كاسىپكەرلەر باس قوستى. بيزنەس كونفەرەنتسياعا قاتىسقان وبلىس اكىمى جانسەيىت تۇيمەباەۆ ينۆەستيتسيالىق مۇمكىندىكتەرى مەن تۋريزم يندۋسترياسىنىڭ جەتىستىكتەرىن اتاپ ءوتتى.

وتاندىق ءوندىرىستى دامىتۋ ءۇشىن قولايلى جاعداي جاسالعانىن ايتقان اكىم كاسىپكەرلەر ءۇشىن ينفراقۇرىلىمى دايىن تەگىن جەر بەرىلىپ، وندا كوممۋنالدىق تاريفتەرى تومەن جانە سالىقتىق جەڭىلدىكتەر قاراستىرىلعانىن جەتكىزدى. سونداي-اق، ول بانكتىك نەسيەنىڭ پايىزدىق سىياقىسىن سۋبسيديالاۋ، بانككە مەملەكەتتىك كەپىلدىك بەرۋ سياقتى مۇمكىندىكتەر بار ەكەنىنە توقتالدى. 

ماسەلەن، وبلىستا يندۋستريالدى-يننوۆاتسيالىق جوبالاردى ىسكە اسىرۋ ماقساتىندا جالپى اۋماعى 959 گەكتار قۇرايتىن 11 يندۋستريالدىق ايماق قۇرىلعان. بۇگىندە بۇل وندىرىستىك الاڭشالاردا 160-تان استام جوبا ورنالاستىرىلسا، ونىڭ 56-سى جۇمىس جاساۋدا. ال وڭىردە سوڭعى 6 جىلدىڭ ىشىندە وڭدەۋ ونەركاسىبىنىڭ ءتۇرلى سالالارىندا 145 كاسىپورىن ىسكە قوسىلىپ، 13 مىڭعا جۋىق جاڭا جۇمىس ورىندارى اشىلدى.

بيزنەسمەندەردىڭ باس قوسۋىندا كونە تۇركىستان قالاشىعىن جاڭعىرتۋ بويىنشا ەسكيزدىك جوبا مەن ق.ا.ياسساۋي كەسەنەسىنىڭ اۋماعىن اباتتاندىرۋ جوباسى. سونىمەن قاتار، ءوڭىرىمىزدى كوركەيتۋدەگى جوبالاردىڭ قاتارىنا «سارىاعاش» كۋرورتى اۋماعىن كەڭەيتىپ، حالىقارالىق دەڭگەيگە كوتەرۋ،  شاردارادا جاعاجاي ءتۋريزمىن دامىتۋ ماقساتىندا شاردارا سۋ قويماسى اۋماعىندا دەمالىس ايماقتارىن ورنالاستىرۋ جوباسى، وبلىس اۋماعىندا تاۋ-شاڭعى ءتۋريزمىن دامىتۋعا باعىتتالعان حالىقارالىق ستاندارتتارعا ساي «قاسقاسۋ» تۋريستىك رەكرەاتسيالىق كەشەنىن ىسكە اسىرۋ، وندىرىستىك جىلىجايلاردى كوبەيتۋ، شىمكەنت قالاسىن دامىتۋ سىندى جوبالار  كاسىپكەرلەر نازارىنا ۇسىنىلدى.

ەلباسىنىڭ شىمكەنت قالاسىن رەسپۋبليكاداعى ءۇشىنشى مەگاپوليسكە اينالدىرۋ بويىنشا تاپسىرماسىنا وراي، وبلىس ورتالىعى ينۆەستورلارعا ارنالعان ۇلكەن الاڭعا اينالۋى ءتيىس. وسى ورايدا، وبلىسقا ينۆەستيتسيا تارتۋ ماقساتىندا باعىتتالعان شاراعا «Kazakhstan Forbes» جۋرنالىنىڭ تىزىمىنە ەنگەن 30-عا جۋىق ءىرى كاسىپكەرلەر كەلدى.

جيىندا TS Development كومپانياسىنىڭ پرەزيدەنتى جانە «Dostyk PLAZA»، «Shymkent PLAZA» جوبالارىنىڭ يەسى س.ءتولباسوۆ شىمكەنت قالاسىنداعى ەڭ ءىرى ساۋدا ورتالىقتارىنىڭ ءبىرى بولىپ  تابىلاتىن «Shymkent PLAZA» جوباسىنا 16 ملرد. تەڭگە كولەمىندە ينۆەستيتسيا قۇيعانىن ايتىپ،  بۇگىنگى  اشىلۋىنا شاقىردى.

Abai.kz