بۇگىن قازاقستان رەسپۋبليكاسى پرەزيدەنتى اكىمشىلىگىنىڭ جانە شاردارا اۋداندىق ءماسليحاتىنىڭ كەلىسىمى بويىنشا وڭتۇستىك قازاقستان وبلىسى اكىمىنىڭ وكىمىمەن شاردارا اۋدانىنىڭ اكىمى لاۋازىمىنا بولاتبەك دۇيسەنبەكۇلىقىستاۋوۆ تاعايىندالدى.

جاڭا اكىمدى اۋدان اكتيۆىنە وبلىس اكىمى ج.تۇيمەباەۆ تانىستىرىپ، لاۋازىم يەسىنىڭ جۇمىسىنا تابىس تىلەدى.

مەملەكەتتىك قىزمەتتە، پارتيا جۇمىسىندا مول تاجىريبەسى بار بىلىكتى باسشى رەتىندە جاڭادان تاعايىندالعان اۋدان اكىمىنە ءوڭىر باسشىسى بىرقاتار ناقتى تاپسىرمالار جۇكتەدى. ماسەلەن، ينۆەستيتسيا تارتۋ باعىتىنداعى جۇمىستاردى جانداندىرۋدى، تۋريزم يندۋسترياسىن دامىتۋدى جانە جول بويىنداعى سەرۆيستى زامان تالابىنا سايكەستەندىرىپ دامىتۋ قاجەتتىگىن، اۋداندا جۇمىسسىزدىق  دەڭگەيىن بارىنشا تومەندەتۋدى، مۇگەدەكتەردىڭ ءومىر ءسۇرۋ جاعدايىن  جاقسارتۋ ءۇشىن قولايلى ورتا قۇرۋدى مىندەتتەدى. سونىمەن قوسا، اۋداننىڭ الەۋەتىن ەسكەرە وتىرىپ، شاعىن جانە ورتا بيزنەسكە قولداۋ ءبىلدىرىپ، كاسىپكەرلىكتى دامىتۋدى  جانە اۋىل شارۋاشىلىعى سالاسىندا جاڭا تەحنولوگيالاردى قولدانا وتىرىپ دامىتۋدى ايتتى. سونداي-اق، جاقىن ارادا اۋداننىڭ  دامۋ جوسپارىن جاساپ، وبلىس اكىمدىگىندە تانىستىرۋدى تاپسىردى.                                                                               

ايتا كەتەيىك، ب.د.قىستاۋوۆ 1973 جىلى 15 تامىزدا تۋىلعان، ءبىلىمى جوعارى، ماماندىعى بويىنشا ەكونوميست.

ەڭبەك جولىن 1990 جىلى لەنين اۋدانى «كۇيىك» اسىل تۇقىمدى زاۋىتىنىڭ اسىل تۇقىم ءبولىمىنىڭ ەسەپشىسى بولىپ باستاعان. 1995-2016 جىلدارى وڭتۇستىك قازاقستان وبلىسى اكىمشىلىگى ەكونوميكا باسقارماسىنىڭ جەتەكشى مامانى، وڭتۇستىك قازاقستان وبلىسى اكىمشىلىگى قارجى باسقارماسىنىڭ باس مامانى، سەكتور مەڭگەرۋشىسى، ءبولىم باستىعى، تولەبي، قازىعۇرت اۋداندىق قارجى بولىمدەرىنىڭ مەڭگەرۋشىسى، قازىعۇرت اۋدانى اكىمىنىڭ ورىنباسارى، قازىعۇرت اۋدانىنىڭ اكىمى رەتىندە ەڭبەك ەتكەن.

2016 جىلدىڭ ءساۋىر ايىنان باستاپ «نۇر وتان» پارتياسى وڭتۇستىك قازاقستان وبلىستىق فيليالى توراعاسىنىڭ ءبىرىنشى ورىنباسارى لاۋازىمىن اتقارىپ كەلدى.

Abai.kz