وڭتۇستىك قازاقستان وبلىسىنداعى قازىعۇرت وڭىرىندە شارۋا قوجالىعىن دوڭگەلەتىپ وتىرعان ديقان ءمۇسىرالى اراپباەۆ: «ەڭبەك ەتكەن ادامعا مەملەكەتتىڭ قامقورلىعى ايقىن سەزىلەدى» دەيدى. 

اۋىلدا جىلىجاي سالىپ، قىسى-جازى ەلدى كوكونىسپەن قامتاماسىز ەتىپ وتىرعان جيقاننىڭ تىرلىگى تياناقتى، باعدارى بەكەم. ءمۇسىرالى قاريا زەينەتكەرلىككە شىقسا دا، ەڭبەكتەن قول ۇزبەگەن. ول كىسى وسىدان 6 جىل بۇرىن ناپاقاسىن جەردەن تابۋعا بەل بۇۋىپ، جىلىجاي ەگۋگە كىرىسىتى. العاشىندا ول 15 سوتتىق القاپقا كوكونىس ەگىپ تاۋەكەلگە باردى.

شارۋانىڭ ايتۋىنشا جاز، كۇز مەزگىلدەرىندە ونىمدەر استانا قالاسىنا 2-3 مارتە جىبەرىلەدى ەكەن. قالعانى قازعۇرت اۋدانىنىڭ حالقىنىڭ يگىلىگىنە جاراتىلادى. ءار اي سايىن اۋداندا ۇيىمداستىرىلاتىن جارمەڭكەدە ساۋدالانادى. مۇندا جۇمىس ىستەيتىن جيىرماعا جۋىق ادام قىزاناق پەن قياردى الماستىرىپ ەگىپ وتىرۋعا ەرەكشە نازار اۋدارادى. وسىلاي اۋىستىرىپ وتىرعىزۋ توپىراق قۇنارىن ارتتىرىپ، مول ءونىم الۋعا مۇمكىندىك بەرەدى ەكەن. كومىر پەشتەرىمەن جىلىتىلاتىن جىلىجاي ءونىمىنىڭ باعاسى دا قولجەتىمدى. قىس مەزگىلىندە قيار مەن قىزاناقتىڭ ءار كەلسى 250 تەڭگە شاماسىندا بولادى ەكەن. بولاشاقتا جىلىجاي كولەمىن ۇلعايتۋ، جۇمىسشىلار سانىن ارتتىرۋ دا جوسپارلانىپ وتىر. جىلىجايدان مول تابىس تابۋعا بولادى. بۇل كاسىپتىڭ كوزىن بىلەتىن، قۇپياسىنا قانىق ديقاننىڭ ايتۋىنشا، كۇتىمى جاقسى جىلىجاي تابىسقا كەنەلتەدى. ءمۇسىرالى اقساقال بىلتىر مەملەكەتتەن 1,5 ميلليون تەڭگە سۋبسيديا العان. قازىعۇرتتىڭ قۇنارلى توپىراعى تىرلىكتىڭ تەتىگىن تاپقان قاراپايىم ەڭبەك ادامىنىڭ ءىسىن ىلگەرىلەتىپ وتىر.

اباي-اقپارات