بۇل تۋرالى «rgmedia.kz» سايتى حابارلايدى. 

اشىق اكىمدىك» جوباسى اياسىندا وڭتۇستىك قازاقستان وبلىسى اكىمدىگىنە ونلاين رەجيمدە سالقىنبەك تۇرعىنباەۆ ەسىمدى تۇرعىننان وتە ماڭىزدى ساۋال ءتۇستى:

- مۇمكىندىگى شەكتەۋلى ادامدارعا قول جەتىمدى ورتا قۇرۋ ءۇشىن وبلىستا قانداي جۇمىستار اتقارىلىپ جاتىر؟

بۇعان «اشىق اكىمدىك» جوباسى شەڭبەرىندە وبلىس اكىمدىگى تاراپىنان:

«قر ۇكىمەتىنىڭ 2012 جىلعى 16 قاڭتارداعى №64 «قازاقستان رەسپۋبليكاسىنداعى مۇگەدەكتەردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى 2012-2018 جىلدارعا ارنالعان ءىس-شارالار جوسپارىنىڭ ءبىرىنشى كەزەڭى (20125-2018ج) بەكىتۋ تۋرالى» قاۋلىسى بەكىتىلدى. وسىعان بايلانىستى وبلىس اكىمدىگى ارنايى قاۋلى قابىلداپ، ۇكىمەت تاپسىرماسىن ورىنداۋعا بايلانىستى ءىس-شارالار قولعا الىندى. ءبىرىنشى كەزەڭدە اتقارىلار جۇمىستاردىڭ قاتارىندا «كىرەبەرىس جولداردى، پاندۋستاردى، مۇگەدەكتەرگە ارنالعان قۇرىلعىلاردى قامتاماسىز ەتە وتىرىپ، عيماراتتار جانە ينفراقۇرىلىمدى نىساندارىن سالۋ كەزىندە قۇرىلىس نورمالارى مەن قاعيدالارى جانە باسقا دا نورمالار تالاپتارىن ساقتالۋىن جۇزەگە اسىرۋ» تۋرالى تاپسىرمالار دا بار.

ارينە بۇگىنگى تاڭدا كوپتەگەن قۇرىلىستار «مۇگەدەكتەردى الەۋمەتتىك قورعاۋ تۋرالى» زاڭى شىققانعا دەيىن سالىنعاندىقتان ولاردا مۇگەدەك ءۇشىن ارنايى كىرەبەرىس جولدار مەن پاندۋستار ورناتىلماعان. قازىر ءتيىستى تاپسىرماعا سايكەس كوپشىلىك ورىنداردا مۇگەدەكتەردىڭ قولجەتىمدىلىگىن قامتاماسىز ەتۋ ءۇشىن تۇگەندەۋ (پاسپورتتاۋ) جۇمىستارى قولعا الىنىپ، جالپى ءاربىر ەلدى مەكەن بويىنشا ول جەرلەردە ءبىرىنشى كەزەكپەن تارتىپپەن پاسپورتتاۋعا جاتاتىن نىسانداردىڭ 4212 ءتىزىمى قالىپتاستىرىپ، 3076-نا تۇگەندەۋ جۇمىستارى جۇرگىزىلدى.

مۇگەدەكتەرگە تەڭ مۇمكىندىكتەر جاساۋ ماقساتىندا جىل سايىن مۇگەدەكتەرگە الەۋمەتتىك قولداۋ كورسەتۋ ءۇشىن وبلىستىق بيۋدجەت قاراجاتىنان مۇگەدەكتەرگە وڭالتۋدىڭ جەكە باعدارلاماسى نەگىزىندە پروتەزدى-ورتوپەديالىق كومەكتەر مەن سۋردو-تيفلو تەحنيكالىق، ارنايى ءجۇرىپ-تۇرۋ قۇرالدارى مەن ساناتورلىق-كۋرورتتىق ەمدەلۋ ۇسىنىلدى»، - دەپ جاۋاپ جىبەرىلدى. 

Abai.kz