شىمكەنت قالاسىنداعى «سۋ ارناسى-ماركەتينگ» جشس دە بۇۇ-نىڭ وكىلدەرى بولدى. مۇنداعى ماقسات — مەكەمەنىڭ جاسىل ەكونوميكا باعىتىندا تىندىرعان تىرلىكتەرىن باعامداۋ. كليماتتىق جوبا وكىلدەرى جاسىل تەحنولوگيا جەتىستىكتەرى رەسۋرستاردى ءتيىمدى پايدالانىپ، بيۋدجەت قاراجاتىن ۇنەمدى جۇمساۋعا سەپتىگىن تيىگىزىپ وتىرعانىنا كوز جەتكىزدى.

ايتا كەتەيىك، قازاقستان كليمات جونىندەگى پاريج كەلىسىمىن ماقۇلداعان بولاتىن. وسىناۋ كەلىسىم نەگىزىندە ەلىمىز 2030 جىلعا دەيىن اتموسفەراعا زياندى قالدىقتار شىعارۋ كورسەتكىشىن 20 پايىزعا تومەندەتۋى ءتيىس. بۇل رەتتە ءىرىلى-ۇساقتى كاسىپورىنداردىڭ جۇمىسىن جەتىلدىرەتىن مودەرنيزاتسيالاۋ شارالارىن قولعا الۋ ماڭىزدى.

اتالمىش كاسىپورىن بىرنەشە جىل ىشىندە قالاداعى تازارتۋ قوندىرعىلارىن جاڭارتىپ ۇلگەردى. مۇنداعى بارلىق پروتسەسس سۋدى ەكىنشى رەتتىك وڭدەۋدەن وتكىزۋگە، ياعني اەروتەنكتەن، راديالدى اعاردان بيوگاز وندىرىلەتىن مەتانتەنككە دەيىن الۋعا باعىتتالعان. كاسىپورىن مۇنى ءوز قاجەتىنە جاراتۋدى كوزدەپ وتىر. سونىمەن قاتار، مەكەمە شارۋاشىلىققا قاجەتتى ەلەكتر ەنەرگياسىن كۇننەن قۋات الاتىن قوندىرعىلاردان ءوندىرىپ وتىر. شەتەلدىك ساراپشىلار بۇل ءتيىمدى تەحنولوگيا وزگە دە مەكەمەلەرگە ۇلگى بولۋى ءتيىس دەيدى.

Abai.kz