شاعالالى شاردارادا بالىق ءوندىرىسى وركەندەپ، بۇگىنگى تاڭدا بالىعى شەتەلگە ەكسپورتتالىپ جاتىر. اتاپ ايتقاندا  «حاميت» بالىق وڭدەۋ كومپانياسى سۋ جانۋارىنىڭ سۇبە ەتىن گرۋزيا، گەرمانيا، ۋكراينا رەسپۋبليكالارىنا جانە رەسەي فەدەراتسياسىنا جونەلتۋدە. اتالمىش كاسىپورىن بالىق شاباعىن سىرتتان تاسىمالدايدى.

تاۋاردى بارىنشا وڭدەيتىن زاۋىت سوڭعى ۇلگىدەگى قوندىرعىلارمەن جابدىقتالىپ، جىلىنا 3 مىڭ تونناعا دەيىن ءونىم وندىرۋگە قاۋقارلى.

مۇندا قوس بىردەي جەلى جۇمىس ىستەيدى. الدىمەن، بالىق سۇيەگىنەن اجىراتىلادى، سوسىن سۇبە ەتتەن فيلە جاسالادى. ءتىپتى، قالدىعىنان ۇن دا شىعارىلادى ەكەن. تيىمدىلىگى سول، شيكىزات قالدىقسىز وڭدەلەدى. «ساپالى ونىمگە سۇرانىس تا جوعارى»، - دەيدى تسەح باسشىسى. «حاميت» سەلولىق تۇتىنۋشىلار كووپەراتيۆى جىلىنا وندىرگەن ءونىمىنىڭ 70 پايىزىن شەتەلگە جونەلتەدى. سونداي-اق، جەرگىلىكتى 200 تۇرعىندى تۇراقتى جۇمىسپەن قامتىپ وتىر.

قازىر زاۋىت بالىقتىڭ سۇيەكتەن اجىراتىلعان تازا ەتى مەن قاقتالعان تۇرىنە باسىمدىق بەرگەن. كاسىپورىن ءوز ءونىمىن ەۋرووداققا كىرەتىن مەملەكەتتەردىڭ نارىعىنا شىعارۋعا ارنايى رۇقسات العان ەلىمىزدەگى 10 بالىق وڭدەۋشى زاۋىتتىڭ ءبىرى.

سوندىقتان دا ساپاعا اسا ءمان بەرەتىن زاۋىت نەگىزىنەن كوكسەركە مەن الابۇعانىڭ تازا ەتىن ەكسپورتتايدى. قاقتالعان قاراكوز بەن تابانعا دا سۇرانىس جوعارى. سوندىقتان ءوندىرىس باسشىلىعى بالىق شاباعىن قاراعاندىدان تاسىمالداپ، ونى قولدان ءوسىرىپ جاتىر. زاۋىت بۇگىنگى تاڭدا رەسەي، بەلارۋس ەلدەرىمەن قاتار، گەرمانيا مەن فرانتسياعا دايىن ونىمدەرىن ەكسپورتتاۋدا.

Abai.kz