ەلوردامىز استانا قالاسىنان  1-قاراشادا شىققان ەل تاۋەلسiزدiگiنiڭ 25 جىلدىعى قۇرمەتiنە, رەسپۋبليكامىزدىڭ شالعاي ايماقتارى تۇرعىندارىنىڭ يگىلىگى ءۇشىن جاساقتالعان «تاۋەلسiز قازاقستان» پويىزى قاسيەتتi وڭتۇستiكتiڭ شىعىس قاقپاسى سانالاتىن تۇلكiباس ستانساسىنا كەلءدى. قۇرامىندا بiرنەشە مينيسترلiكتiڭ جەتەكشi ماماندارى، ساراپشىلار، زاڭگەرلەر، بiلiكتi دارiگەرلەرi بار قوناقتاردى اۋدان حالقى ەرەكشە ىقىلاسپەن قارسى الدى.

پويىز دەلەگاتتارىنىڭ قاتىسۋىمەن «25 جىلدىڭ بەلەستەرi» اتتى تانىستىرۋ ءدارiسi, «تاۋەلسiزدiك تاريحى – ۇلت تاريحىنىڭ ولشەمi» تاقىرىبىندا زيالى قاۋىم جانە ارداگەرلەرمەن كەزدەسۋ ءوتتi. سونداي-اق، شتاب مۇشەلەرى حالىققا قۇقىقتىق، مەديتسينالىق كەڭەس بەرىپ، مەملەكەتتىك باعدارلامالاردىڭ باعىتىن ءتۇسىندىردى.

اكتسيا بارىسىندا اۋدان بويىنشا ءارتۇرلi سالاداعى 120 ادامعا كەڭەس بەرiلiپ، تۇلكiباس پوسەلكەلiك ەمحاناسىندا قابىلداۋ جۇرگىزگەن دارiگەرلەردiڭ قابىلداۋىنا جۇگىنگەندەردىڭ قاراسى كوپ بولدى. ونىڭ ىشىندە ناۋقاس بالالارىن ەرتە كەلگەن اتا-انالار دا از ەمەس. دەلەگاتسيانىڭ قۇرامىندا 270 مامان، ولاردىڭ 70-تەن استامى -مەديتسينا قىزمەتكەرى.

 ايتا كەتەيiك، اۋداندا 110 مىڭنان استام حالىق تۇرادى. جالپى، «تاۋەلسiز قازاقستان» رەسپۋبليكالىق اكتسياسىنىڭ جۇمىسىنا 1650 ادام قاتىسىپ، وزدەرiن تولعاندىرىپ جۇرگەن ءارتۇرلi ساۋالدارىنا جاۋاپ الدى.

وبلىس اكiمiنiڭ ورىنباسارى ۇ.سادiبەكوۆ دەلەگاتسيا مۇشەلەرiنە وبلىستىڭ بۇگiنگە دەيiن جەتكەن جەتiستiكتەرiن كەڭiنەن اڭگiمەلەپ، قوناقتاردى تاۋەلسiزدiكتiڭ 25 جىلدىق مەرەكەسiمەن، تۇڭعىش پرەزيدەنت كۇنiمەن شىن جۇرەكتەن قۇتتىقتادى.

1,5 ايدىڭ ىشىندە ەلىمىزدىڭ شالعايداعى 35 ەلدىمەكەنىن ارالاپ شىعۋدى مەجەلەپ وتىرعان جىلجىمالى كومەك كەرۋەنى وسىلايشا تۇركىستانعا جول تارتتى. 

Abai.kz