ەل تاۋەلسىزدىگىنىڭ 25 جىلدىعىنا ارنالعان رەسپۋبليكالىق اكتسيا اياسىندا «تاۋەلسىز قازاقستان» پويىزى وڭتۇستىك قازاقستان وبلىسىنىڭ شىعىس قاقپاسى سانالاتىن تۇلكىباس ستانتسياسىنا ايالدادى. بۇل تۋرالى «Abai.kz» پورتالى وڭتۇستىك قازاقستان وبلىسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.
قۇرامىندا مينيسترلىكتەردىڭ جەتەكشى ماماندارى، ساراپشىلار، زاڭگەرلەر، مەديتسينا قىزمەتكەرلەرى ءام بىلىكتى ساراپشىلار بار «تاۋەلسىز قازاقستان» پويىزىن وڭتۇستىك قازاقستان وبلىس اكىمىنىڭ ورىنباسارى ۇ.سادىبەكوۆ باستاعان تۇلكىباس اۋدانى حالقى ەرەكشە ىقىلاسپەن قارسى الدى. 
وندا شتاب جەتەكشىسى جەرگىلىكتى تۇرعىندارعا ساپاردىڭ ماقساتىن ءتۇسىندىرىپ، جۇرتشىلىقتى مەرەيلى مەرەكەمەن قۇتتىقتادى. 
رەسپۋبليكالىق اكتسيادا اۋدان بويىنشا مەديتسينالىق، الەۋمەتتىك، قۇقىقتىق كومەك كورسەتۋ،سونداي-اق، اۋىل شارۋاشىلىعى، كاسىپكەرلىك جانە ت.ب سالالار بويىنشا قوعامدىق قابىلداۋلار وتكىزىپ، بارلىعى 120 ادامعا كەڭەس بەرىلدى. 
پوەزد دەلەگاتتارىنىڭ قاتىسۋىمەن ەل تاۋەلسىزدىگىنىڭ 25 جىلدىعىنا ارنالعان «25 جىلدىڭ بەلەستەرى» اتتى ءدارىس ءوتتى. سونىمەن قاتار، ەنومادەني ورتالىقتارى مەن ۇكىمەتتىك ەمەس ۇيىمدارىنىڭ قاتىسۋىمەن كەزدەسۋلەر وتكىزىلىپ، وندا تاۋەلسىزدىك جەتىستىكتەرى جايى ايتىلدى.

ايتا كەتەيىك، «تاۋەلسىز قازاقستان» پويىزى رەسپۋبليكانىڭ ءوڭىر وڭىرلەرىن ارالاپ، ۇگىت-ناسيحات جۇرگىزىپ جەرگىلىكتى تۇرعىندارمەن كەزدەسۋ وتكىزىپ، حالىقتىڭ كوكەيىندە جۇرگەن سۇراقتارىنا جاۋاپ بەرىپ، پايدالى كەڭەستەرىن ايتۋدا.

اباي-اقپارات