جۇما, 29 ناۋرىز 2024
11339 0 پىكىر 30 قاراشا, 2016 ساعات 11:08

«نۇر وتانمەن» بىرگە – نۇرلى بولاشاققا!

ماقسات ايقىنجاۋاپكەرشىلىك زور

«قۇرمانعازى» مادەنيەت سارايىندا وتكەن جيىندا ايماق باسشىسى نۇرلان اسقارۇلى نوعاەۆ ەلىمىزدىڭ قۋاتتى دا تابىستى مەملەكەتكە اينالىپ، ءوزىنىڭ باستامالارى ارقىلى جوعارعى حالىقارالىق بەدەلگە يە بولۋىندا «نۇر وتاننىڭ» دا  الار ورنى ەرەكشە ەكەندىگىن باسا ايتتى.

— ۇدايى حالىقتىڭ ورتاسىنان تابىلىپ، سەنىمىن اقتاۋعا  تىرىسقان  «نۇر وتان» ناقتى ناتيجەنىڭ، ىلكىمدى ءىستىڭ پارتياسى اتانىپ، ەلدىڭ كوڭىلىنەن شىعا ءبىلدى. ەلىمىزدى الەمنىڭ ەڭ قۋاتتى 30 ەلىنىڭ قاتارىنا قوسۋ – پارتيانىڭ  بولاشاققا باعىت سىلتەيتىن تەمىرقازىعى. «نۇر وتاننىڭ» كەزەكتەن  تىس  وتكەن ءحVىى سەزىندە قابىلدانعان  «قازاقستان – 2021. بىرلىك. تۇراقتىلىق. جاسامپازدىق» جاڭا سايلاۋالدى باعدارلاماسى دا وسى قۇندىلىقتاردى كوزدەيدى.

كۇنى بۇگىن وڭىرىمىزدە پارتيانىڭ 32 مىڭنان استام مۇشەسىنىڭ باسىن بىرىكتىرگەن  136  باستاۋىش  پارتيا  ۇيىمى  جۇمىس جاساپ كەلەدى. ناقتى   ىستەر  پارتياسى ءپرينتسيپى بويىنشا ولاردىڭ جۇمىستارىنىڭ تيىمدىلىگى ارتىپ، سايلاۋالدى تۇعىرناما اتقارۋشى بيلىك جۇمىسىنىڭ نەگىزگى كريتەريلەرىنىڭ بىرىنە اينالدى.

پارتيا توراعاسى، ەلباسى نۇرسۇلتان ءابىشۇلى نازارباەۆ مەملەكەت  قارجىسىنىڭ ماقساتتى جۇمسالۋىنا باقىلاۋ جاساۋدى «نۇروتاندىقتارعا» تاپسىردى. وبلىستاعى «نۇرلى جول» باعدارلاماسى شەڭبەرىندە بولىنگەن ينۆەستيتسيالار ءوڭىر ەكونوميكاسىنىڭ دامۋىنا جاڭا سەرپىن بەرۋدە، — دەپ ايماق باسشىسى وڭىردە اتقارىلعان جۇمىستارعا جەكە-جەكە توقتالدى.

اتاپ ايتقاندا، «وزىڭنەن باستا!» اكتسياسى بارىسىندا مەملەكەتتىك ورگاندار باسشىلارىنىڭ، مەملەكەتتىك قىزمەتشىلەردىڭ تابىستارى مەن مۇلىكتەرى تۋرالى مالىمەت جەرگىلىكتى بۇقارالىق اقپارات قۇرالدارىندا جاريالانۋ داعدىسى ءوز كەزەگىندە حالىقتىڭ ولارعا دەگەن سەنىمىن ارتتىردى.

ال،  «ارداگەرلەردى ارداقتايىق!»  پارتيالىق جوباسىنا سايكەس،  قازىر  16 جەكەمەنشىك  جانە  شەتەلدىك ەمحانالارمەن  ارداگەرلەرگە دارىگەرلىك قىزمەت كورسەتۋ بويىنشا ءوزارا ىنتىماقتاستىق مەموراندۋمدار جاساقتالعان. وبلىس بويىنشا بارلىق ۇلى وتان سوعىسى ارداگەرلەرىنە تەگىن كوممۋنالدىق قىزمەتتەر كورسەتىلۋدە. ايماق باسشىسىنىڭ سوزىنە سۇيەنسەك، وسى مەرزىمدە جەتى سوعىس ارداگەرى تۇرعىن ۇيمەن قامتاماسىز ەتىلدى.

— بيىل پارتيا توراعاسى ۇلتتىق بىرىڭعاي تەستىلەۋدەن شەكتى بالل جيناي الماعان جانە وعان قاتىسپاعان مەكتەپ تۇلەكتەرىنىڭ ماسەلەسىن كوتەرىپ، وعان باقىلاۋ جاساۋدى  «نۇر وتان» پارتياسىنا جۇكتەگەن بولاتىن. وبلىسىمىزدا  «جالىن»، «ارناۋلى اۆتوبازا» جانە تاعى باسقا باستاۋىش پارتيا ۇيىمدارى ء«ساتتى قادام» پارتيالىق جوباسى اياسىندا 28 تۇلەكتى ءوز قامقورلىعىنا الدى. مىسالى، كاسىپكەر، قۇرمانعازى اۋداندىق ءماسليحاتىنىڭ دەپۋتاتى جۇماجان شاكۋپوۆ ءبىلىم سىناعىنان سۇرىنگەن 12 جاستى ءوزى باسقاراتىن «كاسپي-بالىق» وندىرىستىك كووپەراتيۆىنە جۇمىسقا ورنالاستىردى.

ەسەپتى مەرزىمدە «نۇروتاندىق» كاسىپكەرلەر مەن دەپۋتاتتار تاراپىنان «مەكتەپكە جول»، باسقا دا  اكتسيالار كەزىندە از قامتىلعان، كوپ بالالى، مۇگەدەك بالا تاربيەلەپ وتىرعان  وتباسىلارىنا قولداۋ كورسەتىلدى. بالا جاستان مۇگەدەك 13  بالانى شەت ەلدە ەمدەتۋگە كومەك سۇراعان مۇقتاج وتباسىلارىنا فيليالداردىڭ باستاماسىمەن جانە فراكتسيا مۇشەلەرىنىڭ قولداۋىمەن 4 ميلليون 800 مىڭ تەڭگە قارجىلاي دەمەۋ كورسەتىلدى. پارتيانىڭ ۇيىمداستىرۋىمەن مانچەستەر، ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتتەرىندە جانە اتىراۋ مەديتسينا كوللەدجىندە وقيتىن از قامتىلعان وتباسىدان شىققان ستۋدەنتتەرگە شەتەلدىك كومپانيالار وقۋ اقىسىن تولەۋگە قول ۇشىن بەردى.

پارتيا فيليالى  «قازپوشتا»  اكتسيونەرلىك قوعامىمەن بىرلەسكەن مەموراندۋم شەڭبەرىندە شالعايداعى ەلدى مەكەن تۇرعىندارىنىڭ وتىنىشتەرىن قاراۋدا ينتەرنەت جۇيەسى مۇمكىندىگىن پايدالانۋدى قولعا الدى. ناتيجەسىندە، يندەر، قۇرمانعازى، جىلىوي اۋداندارى ەلدى مەكەندەرىنىڭ تۇرعىندارى ارنايى كەلمەي-اق  بايلانىسقا شىعىپ، تولعاندىرعان ماسەلەلەرى بويىنشا مەملەكەتتىك اتقارۋشى ورگانداردىڭ باسشىلارى مەن وبلىستىق ءماسليحات دەپۋتاتتارىنان تىكەلەي جاۋاپ الۋعا مۇمكىندىك بەرىلدى، — دەدى ايماق باسشىسى.

شارانىڭ كۇن تارتىبىنە ساي پارتيا فيليالىنىڭ ساياسي كەڭەس بيۋروسى مەن كەڭەس قۇرامى دا بەكىتىلدى. ال، باقىلاۋ-تەكسەرۋ كوميسسياسىنىڭ جۇمىسى تۋرالى  ونىڭ توراعاسى  نۇرجان مۇحامبەتقاليەۆ باياندادى.

— وبلىس بويىنشا وتكەن جىلى 136 باستاۋىش پارتيا ۇيىمىندا مۇشەلەر سانى — 25 345 ادام، سونىڭ ىشىندە، جاڭادان قابىلدانعاندار — 934. جىلدىق جارنا تولەۋ جوسپارى 37 676 تەڭگە بولىپ بەلگىلەنىپ، جىل قورىتىندىسىندا 101,3 پايىزعا ورىندالدى. ال، اعىمداعى جىلى جاڭادان تاعى ءبىر باستاۋىش پارتيا ۇيىمى قوسىلدى. بيىلعى ون ايدىڭ قورىتىندىسىندا مۇشەلەر سانى — 32 325 ادام. جارنا جيناۋ جوسپارى اتالعان كەزەڭدە 86,5 پايىزعا ورىندالىپ وتىر، — دەدى ول.

«ۇلى دالا قازىناسى» – جاڭا جوبا

كونفەرەنتسياعا ارنايى قاتىسقان «نۇر وتان» پارتياسىنىڭ حاتشىسى قانىبەك جۇماشەۆ بيىلعى ەسەپ بەرۋ-سايلاۋ كونفەرەنتسيانىڭ ەرەكشەلىگىنە توقتالدى.

— قازىرگى تاڭدا بارلىق ايماقتا ەكى جىلدا ءبىر رەت ۇيىمداستىرىلاتىن ەسەپ بەرۋ-سايلاۋ كونفەرەنتسياسىن وتكىزۋ ناۋقانى ءجۇرىپ جاتىر جانە ول ەل تاۋەلسىزدىگىنىڭ 25 جىلدىعىنا ارنالۋدا، — دەدى پارتيا حاتشىسى. — قۇرىلعاننان بەرى ون جەتى جىلدىڭ ىشىندە مەملەكەتىمىزدىڭ اياققا تۇرۋىنا، ەلىمىزدىڭ وسۋىنە، تاۋەلسىزدىگىمىزدىڭ باياندى بولۋىنا پارتيامىزدىڭ قوسقان ۇلەسى زور.

ايتا كەتسەك، بيىل رەسپۋبليكا كولەمىندە ەكىنشى رەت «ەڭ ۇزدىك باستاۋىش پارتيا ۇيىمى» بايقاۋى ۇيىمداستىرىلۋدا. قانىبەك بەكبولاتۇلىنىڭ ايتۋىنشا، مۇنداعى باستى ماقسات — باستاۋىش پارتيا ۇيىمدارىنا ءمان بەرۋ، ولاردىڭ بەدەلىن ارتتىرۋ. سونداي-اق، ۇيىمداستىرىلعان «ەڭ ۇزدىك قوعامدىق قابىلداۋ بولمەسى» رەسپۋبليكالىق  بايقاۋى ناتيجەسىندە ەلىمىزدەگى  225 فيليالدىڭ ىشىندە اتىراۋ قالالىق  فيليالى ءى ورىندى يەلەنگەنىن دە اتاپ كەتكەن ءجون. فيليالدىڭ حالىقپەن بايلانىستاعى بۇل جەتىستىگى قوعامدىق قابىلداۋ بولمەلەرى جۇمىستارىن جەتىلدىرۋگە ۇلكەن سەرپىلىس بەردى. ال، بيىل بۇل بايقاۋدىڭ قورىتىندىسى 14 جەلتوقسان كۇنى جاريالانباق.

— ەگەمەندىكتىڭ 25 جىلدىعى قارساڭىندا «تاۋەلسىزدىكتىڭ جەتىستىكتەرى: جاڭارۋ مەن جاسامپازدىقتىڭ قازاقستاندىق جولى» اتتى جالپىۇلتتىق دەموكراتيالىق كواليتسياسىنىڭ وتىرىسى وتەدى. بۇل جيىندى «نۇر وتان» ەلىمىزدەگى بارلىق پارتيانىڭ باسىن بىرىكتىرىپ، ءبىر وي، ءبىر تۇجىرىم، ءبىر كەلىسىمگە كەلۋ ماقساتىندا ۇيىمداستىرعالى وتىر. سونىمەن قاتار، قاراشانىڭ 21-ءى مەن جەلتوقساننىڭ 15-ءى ارالىعىندا «25 جۇلدىزدى كۇن» وتكىزىلىپ، بۇل شاراعا «نۇر وتاننىڭ» بارلىق فيليالدارى بەلسەندى تۇردە قاتىسپاق. وسى اكتسيا اياسىندا پارتيا مۇشەلەرى «تاۋەلسىز قازاقستان» پويىزىمەن 35 ستانسادا بولىپ، حالىقپەن كەزدەسىپ، قوعامدىق قابىلداۋلار وتكىزەدى، — دەي كەلە، قانىبەك جۇماشەۆ ساياسي ۇيىمنىڭ سايلاۋالدى باعدارلاماسىنىڭ ورىندالىسىن باياندادى.

باستى ماقسات — ەلىمىزدە جۇزەگە اسىپ جاتقان بارلىق مەملەكەتتىك باعدارلامالارعا پارتيالىق باقىلاۋدى كۇشەيتۋ. وسى ورايدا، بيىل جىل باسىنان بەرى پارتيا يدەولوگيالىق، الەۋمەتتىك، ەكونوميكالىق جانە جاستار ماسەلەسى باعىتتارى بويىنشا توعىز جوبامەن جۇمىس جۇرگىزىپ كەلدى. ەندى جوبانى ازايتىپ، جۇمىس اۋقىمىن كەڭەيتۋ باعىتىندا شارالار قولعا الىنۋدا. بۇل ءۇشىن ءار جوبانىڭ جاڭادان كونتسەپتسياسى جاساقتالادى. ماسەلەن، ۇلتتىق قۇندىلىقتاردى ۇلىقتاۋ، تاريحتى دارىپتەۋ ماقساتىندا «ۇلى دالا ەلى» جوباسى «ۇلى دالا قازىناسى» دەپ اتالماق.

— ەلىمىزدە جاستاردىڭ جۇمىسسىزدىعى ماسەلەسى وزەكتى بولىپ وتىر. ەلباسى نۇرسۇلتان نازارباەۆتىڭ تاپسىرماسىنا سايكەس، پارتيا بۇل ماسەلەنى شەشۋدى بيىلدان باستاپ ناقتى قولعا الدى. شىنىن ايتۋ كەرەك، تەكسەرۋ، زەرتتەۋ جۇمىستارىنىڭ ناتيجەسىندە بىردە-ءبىر مەملەكەتتىك ورگاندا مەكتەپ تۇلەكتەرىنىڭ قايدا جۇرگەنى، نەمەن اينالىسىپ جاتقانى جونىندە مالىمەتتەر بولماي شىقتى. ءۇش-ءتورت ايدىڭ ىشىندە ەگجەي-تەگجەيلى تەكسەرىس جۇرگىزىپ، 51397 بالانى تىزىمگە الىپ، ارقايسىسىمەن جەكە-جەكە جۇمىس جاسالدى. بۇل رەتتە بارلىق وبلىستار جۇمىسپەن نەمەسە ءبىلىم بەرۋمەن قامتۋ باعىتىندا اتسالىستى. سونىڭ ىشىنەن، قازىرگى تاڭدا — 3022, ال، اتىراۋ وبلىسى بويىنشا 28 بالا قالدى.  بۇل باعىتتاعى جۇمىستار العا قاراي دا جالعاسىن تابا بەرەدى، — دەدى پارتيا حاتشىسى قانىبەك جۇماشەۆ.

 

ماراپات مەرەي وسىرەدى

جيىن بارىسىندا ساياسي ۇيىمنىڭ ستراتەگيالىق ماقساتتارى مەن مىندەتتەرىن جۇزەگە اسىرۋدا بەلسەندىلىك تانىتىپ جۇرگەن وبلىستىق كاسىپوداقتار ورتالىعى اۋماقتىق كاسىپوداقتار بىرلەستىگىنىڭ توراعاسى دياس سۇلتانوۆ، «امانگەلدى» وندىرىستىك كووپەراتيۆىنىڭ  توراعاسى مۇرات امىرعاليەۆ، پارتيا ارداگەرى كەڭەس قوسىباەۆ «نۇر وتاننىڭ» «قۇرمەت گراموتاسىمەن» ماراپاتتالدى. سونداي-اق، بىرقاتار «نۇروتاندىقتارعا» پارتيا حاتشىسى العىس حات تاپسىردى.

— «قازاقستان – 2021: بىرلىك. تۇراقتىلىق. جاسامپازدىق.» سايلاۋالدى باعدارلاماسى پارتيانىڭ جاڭا جاھاندىق وزگەرىستەرگە جاۋابى ىسپەتتى. ويتكەنى، بۇل جان-جاقتى تالقىلانىپ، سارالانعان قۇجاتتا  الداعى بەس جىلعا ارنالعان باسىم باعىتتار كورسەتىلگەن. بۇگىندە  ءبىزدىڭ ەلىمىز باسقا دا الپاۋىت مەملەكەتتەر سەكىلدى الەمدىك داعدارىس ىقپالىن سەزىنۋدە. بۇل – ءبىز ءۇشىن سىندارلى كەزەڭ. سوندىقتان، وسى جاعدايدا «نۇر وتان» بارشا حالىقتى ءبىر ماقساتقا جۇمىلدىرا بىلەتىن پارتيا بولۋى ءتيىس. الدا  ۇلت جوسپارىنا ساي ەلىمىزدى دامىتۋعا باعىتتالعان اۋقىمدى جۇمىستار تۇر، — دەپ كونفەرەنتسيانى قورىتىندىلادى وبلىس اكىمى، پارتيانىڭ وبلىستىق فيليالىنىڭ توراعاسى نۇرلان نوعاەۆ.

 

جىل باسىنان بەرى وبلىستاعى وندىرىستىك كووپەراتيۆتەر وندىرگەن ونىمدەر:

ەت – 32,3 مىڭ توننا;

ءسۇت – 49,2 مىڭ توننا;

كوكونىس – 73 مىڭ توننا;

جۇمىرتقا – 72,8 ميلليون دانا.

وڭىردە سوڭعىء ۇش جىلدا اگرووندىرىستىك كەشەندى سۋبسيديالاۋعا بولىنەتىن قاراجات كولەمى 3,3 ەسەگەارتىپ, 360 ميلليوننان 1,2 ميلليارد تەڭگەگە دەيىن جەتتى. ناتيجەسىندە وسى ۋاقىت ارالىعىنداجىلىجاي اۋماعى – 2,  تامشىلاتىپ سۋارىلاتىن جەر كولەمى 3,5 ەسەگە ارتقان.

پارتيا ىقپالىمەن پاتەر كەزەگىندە تۇرعان مۇگەدەكتەر، از قامتىلعان وتباسى جانە بيۋجدەتتىك مەكەمە قىزمەتكەرلەرىنىڭ 98-ءى تۇرعىن ۇيمەن قامتىلسا، 34 وتباسىنىڭ باسپانالارى جوندەلدى. 356 ازامات قوعامدىق جانە تۇراقتى جۇمىسقا ورنالاستىرىلدى.

اعىمداعى جىلدىڭ 9 ايىندا وبلىستا 44,8 ميلليارد تەڭگەنىڭ اۋىل شارۋاشىلىعى ونىمدەرى ءوندىرىلدى. ونىڭ 26,3 ميلليارد  تەڭگەسى مال شارۋاشىلىعىنا تيەسىلى ەكەنىن ايرىقشا اتاپ وتكەن ءجون.

ج ا ر ى س س ءو ز د ە ن

ارداگەرلەر – اركەز ساپتا

نۇرپەيىس  ماقاشەۆ، پارتيا ارداگەرى، اتىراۋ وبلىسىنىڭ قۇرمەتتى ازاماتى:

– مەن 1999  جىلدان  وسى پارتيانىڭ مۇشەسىمىن. «وتان» پارتياسىنان  «نۇر وتان»  پارتياسى  اتىن  العانداعى  رەسپۋبليكالىق سەزگە  قاتىسىپ،  ەكى  مارتە  پارتيا  سەزدەرىنە  دەلەگات  بولدىم.

بۇگىندە وبلىس ەكونوميكاسىنىڭ  قاي سالاسىندا بولماسىن ىلگەرىلەۋ بار. وڭ وزگەرىستەر مەديتسينا سالاسىندا، كاسىپكەرلىكتى قولداۋ يندۋستريالىق-يننوۆاتسيالىق دامۋ باعىتىندا دا ىسكە اسىرىلىپ كەلەدى. رەفورمالار مەن مەملەكەتتىك باعدارلامالاردىڭ جۇيەلى جۇزەگە اسۋىنىڭ ناتيجەسىندە بۇگىنگى تاڭدا قازاقستان الەمدىك قاۋىمداستىققا تانىمال، ايتار ءسوزى، ايشىقتى ويى، قوسار ءۇنى بار، ورنىققان مەملەكەتكە اينالدى. وسى جەتىستىكتەرگە جەتۋگە، بىرىنشىدەن، قازاقستاندىقتاردىڭ  ساياسي تۇراقتىلىقتى، قوعامدىق كەلىسىمدى، بىرلىكتى، بەيبىتشىلىكتى تاڭداۋى سەبەپ بولدى. بۇل – وتانداستارىمىزدىڭ  بولاشاعىمىزدىڭ جارقىن  بولۋىنا قوسقان  ۇلەستەرىنىڭ وڭ ناتيجەلەرى.

«نۇر وتان» پارتياسى  قۇرىلعاننان  بەرى ارداگەرلەر دە  بەلسەندىلىك تانىتىپ  كەلەدى.  ەسەن  تاسقىنباەۆ،  قاتيموللا ريزۋانوۆ، توكەن  جۇماعۇلوۆ،   ءمادينا عابدىسالىموۆا، نۇرجيان ابدولوۆا، يليا جاقانوۆ، ءراشيلا مۇرساليەۆا،  جاناي بەركاليەۆ  سىندى اعا-اپالارىمىز ەلدىك ماسەلەلەرگە ءۇن قوسىپ، جاستار  تاربيەسىنە  دە ۇلكەن  ءمان  بەرۋدە.

 

ازاماتتىق بەلسەندىلىك قاجەت

اقتولقىن احمەتجانوۆا، يساتاي اۋداندىق ماسليحاتىنداعى پارتيا فراكتسياسىنىڭ جەتەكشىسى:

– «نۇر وتان» – ساياسي كۇش، جۇرتشىلىقتىڭ جوعىن جوقتايتىن حالىقتىق پارتيا. حالىق پەن بيلىكتىڭ بىرلىگىن بەرىك ەتە تۇسەتىن «نۇر وتان» پارتياسىنىڭ فراكتسياسى قىزمەتىنىڭ جاۋاپكەرشىلىگىن قالىپتاستىرۋدا ازاماتتىق بەلسەندىلىگىمىز جەتەكشى ءرول اتقارادى. فراكتسيا مۇشەلەرى مەملەكەتتىك باعدارلامالاردىڭ جۇزەگە اسىرىلۋىن باقىلاۋدا، ناسيحات جۇمىستارىنىڭ جۇرگىزىلۋىنە بەلسەندى ارالاسۋدا.

ەلباسى توراعالىق ەتەتىن پارتيانىڭ ەڭ باستى ماقساتى – ۇلت تاۋەلسىزدىگىنىڭ تىرەگى بولۋ، ەل ەركىندىگىن نىعايتا تۇسۋگە كۇش سالۋ بولىپ تابىلادى. ويتكەنى، نۇرلى بولاشاققا جول باستاعان «نۇر وتان» – بۇگىن دە حالقىنىڭ قامىن، جۇرتىنىڭ مۇڭ-مۇقتاجىن، جاستاردىڭ بولاشاعىن ارىدەن ويلاعان جەتەكشى پارتيا. مىندەت ادامعا جاۋاپكەرشىلىك جۇكتەيدى. سايلاۋشىلارىمىزدىڭ، پارتيانىڭ الدىنداعى جاۋاپكەرشىلىكتى تەرەڭ سەزىنىپ، وسى باعىتتاعى جۇمىستاردى ودان ءارى ءتيىمدى جالعاستىرۋ فراكتسيانىڭ بۇگىنگى تاڭداعى نەگىزگى بورىشى بولىپ قالا بەرمەك.

 

ەڭ باستىسى – ەل سەنىمى

بەرىكقالي سارسەنعاليەۆ، ماقات اۋدانىنىڭ اكىمى، اۋداندىق پارتيا فيليالىنىڭ توراعاسى:

– ەلباسى قازاقستاندىقتارعا اسا ماڭىزدى مىندەتتەردى ناقتىلاپ بەردى. ءبىزدىڭ الدىمىزدا پرەزيدەنت اتاپ كورسەتكەن جاڭا قازاقستاندىق  ارمانىمىز – XXI عاسىرداعى كوشباسشى 30 ەلدىڭ قاتارىنا قوسىلۋ مىندەتى تۇر.

«نۇر وتان» پارتياسى ماقات اۋداندىق فيليالى مۇشەلەرىنىڭ سانى – 2196, ولار 12 باستاۋىش پارتيا ۇيىمىنا بىرىكتىرىلگەن.

ەلباسى «نۇرلى جول» باعدارلاماسى نەگىزىندە ۇلتتىق قوردان بولىنگەن قارجىنىڭ ماقساتتى جۇمسالۋىنا باقىلاۋ جاساۋدى «نۇروتاندىقتارعا»  تاپسىردى. وسى باعدارلاما اياسىندا دوسسور كەنتىندە 300 ورىندىق و.سارعۇنانوۆ اتىنداعى مەكتەپ قۇرىلىسى وتكەن جىلى شىلدە ايىندا باستالعان بولاتىن، اعىمداعى جىلدىڭ جەلتوقسان ايىندا قۇرىلىس جۇمىستارى اياقتالىپ، پايدالانۋعا بەرىلەدى.

«نۇر وتان» پارتياسى ماقات اۋداندىق فيليالىنىڭ قوعامدىق قابىلداۋ بولمەسىنە بىلتىر  248 ازامات ءوتىنىش بىلدىرسە، بيىل ون ايدا بارلىعى 396  اۋدان تۇرعىنىنىڭ وتىنىشتەرى قابىلداندى.

 

ورەلى باستاما ءورىسى

ءمادي بەكسەيىتوۆ، «ەمبىمۇنايگاز» اق باستاۋىش پارتيا ۇيىمى توراعاسىنىڭ ورىنباسارى:

– مەن قىزمەت ەتەتىن «ەمبىمۇنايگاز» كومپانياسىندا «نۇر وتان» پارتياسىنىڭ باستاۋىش پارتيا ۇيىمى جانە «جاس وتان» جاستار ۇيىمى بەلسەندى جۇمىس جاساۋدا. باستاۋىش پارتيا ۇيىمى مۇشەلەرى ەلدەگى ساياسي وقيعالاردان تىس قالماي، ماڭىزدى شارالارعا وزىندىك ۇلەستەرىن قوسىپ كەلەدى.  كۇندەلىكتى قوعام تىنىسىن قاداعالاپ، ءارتۇرلى باعىتتاعى ماسەلەلەردى ۇيلەستىرىپ، ونى ءتيىمدى شەشۋدىڭ جولدارىن قاراستىرۋدا. باستاۋىش پارتيا ۇيىمىندا پارتيالىق جوبالار  «ارداگەرلەردى ارداقتايىق!»، «باقىتتى بالالىق شاق»، «ۇلى دالا ەلى»، ء«ساتتى قادام» سىندى الەۋمەتتىك ماڭىزدى جوبالار ۇجىم مۇشەلەرىنىڭ بەلسەندى ارالاسۋىمەن جۇزەگە اسىرىلۋدا.

مۇناي-گاز سالاسىنىڭ مارتەبەسىن كوتەرەتىن ءبىلىمدى، تالانتتى جاستارعا باستاۋىش  پارتيا ۇيىمى ۇنەمى قولداۋ كورسەتىپ كەلەدى. ماسەلەن، بيىل ۇلتتىق بىرىڭعاي تەستىلەۋدەن وتپەگەن جانە تەستىلەۋگە قاتىسپاعان مەكتەپ تۇلەكتەرىن كاسىپتىك ءبىلىم بەرۋ ورىندارىنا ورنالاستىرىپ، باستاۋىش پارتيا ۇيىمى ءوز قامقورلىعىنا الىپ وتىر. وتاندىق مۇناي ونەركاسىبىن بىلىكتى ماماندارمەن قامتاماسىز ەتۋ ماقساتىنداعى  بۇل باستاما ءوزىنىڭ  وڭ ناتيجەسىن بەرەرى ءسوزسىز.

«نۇر وتان» پارتياسىمەن بىرلەسە ناتيجەسىن تاپقان يگى شارالار – تابىستى ەڭبەكتىڭ كورىنىسى. بۇل يگى شارالاردا باستاۋىش پارتيا ۇيىمدارى بەلسەندىلىك تانىتسا عانا ءبىز، وتانىمىزدىڭ ودان ءارى گۇلدەنۋىنە، ەلىمىزدەگى تىنىشتىق پەن تۇراقتىلىقتىڭ ساقتالۋىنا سەنىمدى بولامىز.

 

ء«ساتتى قادام» – ءبىز ءۇشىن!

ايگەرىم   ساۋلەن، كاسپي ءوڭىرىنىڭ قازىرگى زامانعى كوللەدجىنىڭ جاس مامانى:

– ء«ساتتى قادام» جوباسى – جاس ماماندار ءۇشىن الەۋمەتتىك ساتى. ءوزىنىڭ تيىمدىلىگىن دالەلدەپ ۇلگەرگەن بۇل باعدارلاما وسىمەن ءتورتىنشى جىل قاتارىنان جەمىستى جۇزەگە اسىرىلۋدا. بيىل جوباعا تولىقتىرۋلار ەنگىزىلدى. سوعان وراي، ەندى ەكى باعىتتا جۇمىس ىستەيتىن بولامىز. وتكەن ايدا جوعارى وقۋ ورىندارى مەن كوللەدج تۇلەكتەرى اراسىنداعى جەتىم بالالاردى جۇمىسقا ورنالاستىرۋ باعىتى بويىنشا جۇمىستار قولعا الىندى. سونىڭ اياسىندا بۇگىندە قازاقستاننىڭ بارلىق وڭىرىندە فيليالدارى بار ءىرى كومپانيالار، مەملەكەتتىك مەكەمەلەر مەن كاسىپورىنداردىڭ كەلىسىم-شارت جاساسۋ جونىندەگى جۇمىستارى بەلسەندى جۇرگىزىلۋدە.

قازىر ەڭبەك ءوتىلىنسىز جۇمىسقا ورنالاسۋ وتە قيىن. ويتكەنى، جۇمىس بەرۋشىلەر ءبىرىنشى كەزەكتە ونىڭ تاجىريبەسىنە قارايدى. ء«ساتتى قادام» سياقتى جوبالار وقۋ ورنىن ەندى عانا بىتىرگەن ستۋدەنتتەرگە العان بىلىمدەرىن تاجىريبەدە قولدانۋعا جانە ەڭبەك نارىعىندا باسەكەگە قابىلەتتى بولۋعا مول مۇمكىندىك بەرەدى.

ماليكە قۋانىشەۆا

ايگۇل ەرتىلەۋ

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3558