جەكسەنبى, 15 جەلتوقسان 2019
مايەكتى 1972 0 پىكىر 29 قاڭتار, 2017 ساعات 12:44

حوككەي: قازاقستان-قىتاي. قورىتىندى ەسەپ 22:0

قازاقستان حوككەيشىلەرى الماتىداعى ۋنيۆەرسيادانىڭ توپتىق كەزەڭىن ايقىن جەڭىسپەن باستادى. وتانداستارىمىز قىتاي ەلىنىڭ حوككەيشىلەرىن 22:0 ەسەبىمەن ويسىراتا ۇتتى، - دەپ حابارلايدى tengrinews.kz

سەرگەي ستارىگين جاتتىقتىراتىن قازاقستان حوككەيشىلەرى ءبىرىنشى كەزەڭدى 9:0 ەسەبىمەن اياقتادى. جانكۇيەرلەر قولداۋىنان قۋات العان وتانداستارىمىز ايانىپ قالمادى. ءار شابۋىل سايىن قارسىلاستار قاقپاسىنا شايبا توعىتۋمەن بولدى. ۆلاديمير گرەبەنششيكوۆ (1-ءشى مينۋتتا), ءاليحان اسەتوۆ (2-ءشى مينۋتتا), انتون ساگادەەۆ (5-ءشى مينۋتتا), دميتري گرەنتس (9-شى مينۋتتا), ۆلاديسلاۆ نيكۋلين (10-شى مينۋتتا), ارتەم بۋردەلەۆ (11-ءشى جانە 13-مينۋتتا), كيريلل ساۆيتسكي (12-ءشى مينۋتتا) جانە ماديار ىبرايبەكوۆ شايبا سوعىپ، مەرگەندىگىمەن كوزگە ءتۇستى.

ەكىنشى كەزەڭدە دە قازاقستان حوككەيشىلەرى ايانىپ قالمادى. قارسىلاستار قاقپاسىنا التى شايبا توعىتىپ شىقتى. ارتەم بۋردەلەۆ پەن اليحان اسەتوۆ دۋبل ورىنداسا، انتون ساگادەەۆ پەن ميكحايل راحمانوۆ ءبىر-ءبىر شايبادان ەنشىلەرىنە جازدى. قىتاي حوككەيشىلەرى ءبىر شايبا سوعۋعا ۇمتىلعانمەن، ناتيجە شىقپادى.

قازاقستان حوككەيشىلەرى ءۇشىنشى كەزەڭدى دە جىلدام شايبا سوعۋمەن باستادى. كيريلل ساۆيتسكي ويىنشى باسىمدىعىندا قارسىلاستاردىڭ وسال تۇسىن تاپتى. ودان كەيىنگى ارالىقتا ارتەم بۋردەلەۆ، يۆان ستەپانەنكو، كونستانتين ساۆەنكوۆ، ميكحايل راحمانوۆ، دميتري گرەنتس، ياروسلاۆ ەۆدوكيموۆ ءبىر-ءبىر شايبادان سوعىپ شىقتى.

ايتا كەتەيىك، ۋنيۆەرسيادانىڭ رەسمي تۇردە اشىلۋ سالتاناتى 29 قاڭتاردا ساعات 19:00-دە باستالادى. قازاقستاننىڭ اتىنان سپورتتىڭ 12 تۇرىنەن 171 سپورتشى قاتىسادى.

Abai.kz

0 پىكىر