جەكسەنبى, 26 قاڭتار 2020
قوعام 3997 0 پىكىر 27 قاڭتار, 2017 ساعات 13:36

ەۋرازيا ارناسى قازاقتى كەلەمەجدەۋىن قاشان قويادى؟

جەردى جالعا بەرۋ ماسەلەسى ۋشىققان كەزدە قارا حالىقتى "اقشاعا ساتىلدى" دەپ كۇستانالاعان "ەۋرازيا" ارناسى قازاق ۇلتىن تاعى كەلەمەجدەدى. بۇعان دەيىن بۇل ارنانىڭ ۇلتقا، مەملەكەتكە قارسى جۇرگىزىپ وتتىرعان ساياساتىن بىرنەشە مارتە سىناعان بولاتىنبىز. بۇل جولى "التىن دومبىرا" ايتىسىن ەفيردەن بەرەمىز" (قاراڭىز) دەپ الاۋلاتىپ جارناماسىن جاساپ الىپ، بۇكىل كورەرمەنىن الداپ كەتتى. 

Abai.kz پورتالىنىڭ وقىرماندارى بىزگە حابارلاسىپ، "ەۋرازيا" ارناسىنان "التىن دومبىرا" ايتىسىنىڭ نە ءۇشىن كورسەتىلمەگەنىن سۇراپ جاتىر. ءبىز ارناعا ارنايى حابارلاسىپ ەدىك، تولىققاندى جاۋاپ الا المادىق. 

ايتىس قازاق ۇلتىنىڭ - ۇلتتىق قۇندىلىعى. "سول قۇندىلىقتى ەفيردەن كورسەتەمىز" دەپ كورەرمەن جيناپ الىپ، سوزىندە تۇرماۋ حالىقتى كەلەكە ەتۋ ەمەس پە؟ وسى سۇراققا جاۋاپ الۋ ءۇشىن "التىن دومبىرا" ايتىسىن ۇيىمداستىرۋشى ءجۇرسىن ەرمانعا حابارلاسقان بولاتىنبىز. 

ءجۇرسىن ەرمان: 

- "ەۋرازيا" ارناسى ايتىستى باستان اياق ءتۇسىردى. سودان كەيىنگى ۋاقىتتاردا ارنا ايتىستىڭ جارناماسىن وتە جاقسى جاسادى.  ەل "ايتىستى 31 جەلتوقسان مەن 1 قاڭتار ارالىعىندا ەفيردەن كورەتىن بولدىق" دەپ كۇتتى. بىراق، نەگە ەكەنىن قايدام، ايتىس ەفيرگە شىققان جوق. مەن ءتىلىم جەتكەن جەرگە دەيىن ايتتىم. گازەتتەر ارقىلى ماسەلە كوتەردىم. ۇكىمەت باسىنا دەيىن حات جىبەردىم. ءسوزىمدى قۇلاققا ىلگەن ءبىر ادام جوق. 

"ەۋرازيا" ارناسىنا ايتىس ءوز جارناماسىن جاساۋ ءۇشىن قاجەت بولعانى ما؟ ەلدىڭ تىلەگىن نەگە ورىندامايدى؟ بۇلاي مەملەكەتتىك دەڭگەيدەگى ارنانىڭ قازاق ۇلتىنىڭ قۇندىلىعىنا مۇرنىن شۇيىرە قاراۋى ەلدىڭ اشۋ-ىزاسىن تۋعىزاتىنى انىق. 

"ەۋرازيانىڭ" مەنبىلەمدىگى قاشانعى جالعاسا بەرمەك؟

ونسىز دا باسىنان داۋ ارىلماعان سول ايتىستى حالىق ءالى دە كورگىسى كەلەدى. اتالمىش ايتىستا "التىن دومبىرا" مۇحتار نيازوۆقا، ءبىرىنشى ورىن بولاتبەك ورازباەۆقا بۇيىرعان ەدى. ارنا تىم قۇرىسا، حالىقتىڭ كوڭىلى ءۇشىن ايتىستىڭ فينالىن كورەرمەن نازارىنا ۇسىنۋى كەرەك دەپ ويلايمىز.

ءشارىپحان قايسار

Abai.kz

0 پىكىر