كاۋمەنوۆامەن جاۋلاسقان تۇسىپباەۆانى تۆ-عا جولىڭدى جابامىن دەپ قورقىتقان

ءانشى بۇل تۋرالى جەلىدەگى پاراقشاسىندا ايتتى. "بارلىق جەردە جەمقورلىق. بۇگىن، ءوزىم سانالى دەپ جۇرگەن ايەل، پروديۋسەر ماعان اشىق تۇردە تۆ-عا جولىڭدى كەسىپ تاستايمىن دەپ مالىمدەدى. تاڭ قالعانىم سونشا، ءسوزىم بولماي قالدى", - دەپ ءبولىستى ول جەلى قولدانۋشىلارىمەن."مەنىڭ كىنام - تۋفلي جالاي المايمىن", - دەدى ول. دەگەنمەن، ءانشى بۇل پروديۋسەردىڭ اتىن اتاماعان جانە پروديۋسەردىڭ نەلىكتەن ونداي سوزدەر ايتقانىن دا مەرۋەرت باسا ايتپاعان. مۇنى ەستىگەن جەلى قولدانۋشىلارى قاتتى اشۋلاندى. وعان باسۋ سوزدەر ايتىپ، ۇنەمى قولدايتىندارىن جەتكىزدى. ەستەرىڭىزگە سالساق، بىرنەشە كۇننەن بەرى مەرۋەرت تۇسىپباەۆا ءوزىنىڭ كيىم كيىسىن تالعامسىز دەپ اتاعان جادونى سىناپ، ايدا كاۋمەنوۆانىڭ بۇيىمدارى ساپاسىز دەپ ايىپتاعان ەدى. دالەل رەتىندە ول كاۋمەنوۆادان ساتىپ العان 100 مىڭعا جۋىق تۇراتىن القاسىن كورسەتىپ، ونىڭ ەكى تاققان سوڭ جەلىمىنەن اجىراپ كەتكەنىن ايتقان.

 سايتقا ازىرلەگەن نۇرسۇلۋ نايمانوۆا.

Abai.kz