جۇما, 29 ناۋرىز 2024
قوعام 4883 0 پىكىر 16 قاڭتار, 2017 ساعات 16:24

"كاراۆان" ساۋەگەيى قازاق اقشاسى رۋبل بولاتىنىن بولجادى

قازاقستاندا باقىت جۇماتوۆا دەيتىن كورىپكەل بار. ايتقاندارى ايداي كەلمەسە دە، ءوزى بىرنەشە مارتە حالىقارالىق جارىستارعا قاتىسقان. اسىرەسە، رەسەيدەگى «بيتۆا ەكستراسەنسوۆ» بايقاۋىنىڭ فينالىنا دەيىن شىعىپ، كوپشىلىككە تانىمال بولعان ەدى.

جۋىردا  «كاراۆان» باسىلىمى كورىپكەلدەن سۇحبات الىپتى. ءسويتىپ، قازاقستاننىڭ 2017 جىلىن بولجاپتى.

ءجا، سۇحبات بەرسە بەرگەن شىعار. تەك نازار اۋدارا كەتەتىن ءبىر ماسەلە - كورىپكەل حانىم كەلەشەكتە قازاقستاننىڭ اقشاسى – رۋبل بولاتىنىن بولجاپتى-مىس.

ءتىلشىنىڭ باقىت حانىمعا قارجى سەكتورى تۋرالى قويعان سۇراعىنا، كورىپكەل بىلاي دەپ جاۋاپ بەرگەن:

«ۋاقىت وتە كەلە بانكتەر مۇلدە بولمايدى. ءبىز بىرتە-بىرتە رۋبلگە كەلەمىز. ول دوللار مەن ەۋرودان دا قىمبات اقشا بولادى. مەنىڭ كورگەنىم، قازاقستاندىقتار ءۇشىن تىم جامان ەمەس. تەك شەكارانى ساقتاۋ كەرەك.  ەشكىم باسىپ كىرمەسى ءۇشىن، جەردى تارتىپ الماسى ءۇشىن شەكارانى قورعاۋ كەرەك...».

ساۋەگەيدىڭ سوزدەرىنەن نەنى اڭعارۋعا بولادى؟ قازاقستاننىڭ اقشاسى رۋبل بولادى دەگەن ءسوز – قازاقستان تاۋەلسىزدىگىنەن ايىرىلادى دەگەن ءسوز ەمەس پە؟! كورىپكەل حانىم كورىپ ايتتى دەسەك تە، ەلدىڭ ەگەمەندىگىن تارك ەتكىزەتىن بولجامدى «كاراۆان» نە ماقساتپەن ناسيحاتتاپ وتىر؟

بۇل، بۇل ما، جاقىندا ازىربايجاندىق ساۋەگەي دە جۇماتوۆا سەكىلدى قازاقستاننىڭ كەلەشەگى تۋرالى بولجام جاساپتى.

زيراددين رزاەۆ رەسەيمەن كورشىلەس مەملەكەتتەردە قۇرىلۋى مۇمكىن اسكەري ۇيىمدار مەن بولاشاقتاعى جاعدايى تۋرالى ايتقان.

ءسوزىنىڭ سوراقىسى سول – قازاقستان كەلەشەكتە ۋكراينانىڭ كەبىن كيەدى دەپ بولجايدى. رەسەي باسقىنشىلىق جاساپ، قازاقستانعا اۋىز سالادى ەكەن-مىس.

«ترامپتى ۋاقىت ۇتۋ ءۇشىن ادەيى وتىرعىزدى. ونى الەمدىك ساياساتتى باسقارىپ وتىرعان ادامدار جاساعان. ولاردىڭ جوسپارلارى تاۋسىلىپ قالعاننان سوڭ، ادەيى ويلاستىرعان. ولاردىڭ كەلەسى كوزدەپ وتىرعان ەلدەرى رەسەيمەن كورشىلەس مەملەكەتتەر. قازاقستان، مولدوۆا، وزبەكستان ەلدەرى ۋكراينانىڭ كەبىن كيۋى ابدەن مۇمكىن. وسى ورايدا، ءۇش-ءتورت جىلدىڭ ىشىندە كوزدەگەن ماقساتتارىنا جەتۋ ءۇشىن بار كۇشتەرىن سالىپ جاڭا جوسپار قۇرىپ جاتىر» دەيدى.

ساۋەگەيلەر نەگە قازاقستان تۋرالى جاعىمسىز بولجامدار ايتا باستادى؟ ەندىگى قويىلار ساۋال وسى...

نۇرزات توعجان

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1565
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2260
عيبىرات

قايسار رۋحتى عازيز جان

مۇحتار قۇل-مۇحاممەد 3541