Turkish Airlines اۋە كومپانياسىنىڭ ۇشاعى بىشكەكتەگى ماناس اۋەجايىنىڭ ماڭىندا قۇلاۋ سالدارىنان مەرت بولعاندار سانى 30 ادامعا جەتتى، - دەپ حابارلايدى kaz.tengrinews.kz ريا نوۆوستي باسىلىمىنا سىلتەمە جاساپ. وقيعا ورنىندا قۇتقارۋ جۇمىستارى ۇيىمداستىرىلدى.

وقيعا ورنىنا ەلدىڭ پرەمەر-ءمينيسترى سوورونباي جەەنبەكوۆ جانە دەنساۋلىق ساقتاۋ مينيسترى تالانتبەك باتىراليەۆ كەلگەن.

ەلدىڭ دەنساۋلىق ساقتاۋ مينيسترلىگى وكىلىنىڭ سوزىنشە، قازىرگى كەزدە قايتىس بولعانداردىڭ ناقتى سانى بەلگىسىز، انىقتالىپ جاتىر. جەرگىلىكتى تۇرعىندار مەن ۇشاق ەكيپاجىن العاندا كەمىندە 30 ادام قازا تاپقان. 

24kg پورتالىنىڭ ناقتىلاۋى بويىنشا، "ماناس" اۋەجاي ماڭىنداعى ۇشاق اپاتىنان ءتورت ۇشقىشتى قوسقاندا 32 ادام مەرت بولعان. تاعاى سەگىز ادام، اراسىندا بالالار دا بار زارداپ شگىپ، اۋرۋحاناعا جەتكىزىلدى. بارلىعىنىڭ جاراقاتى اۋىر جانە قاتتى كۇيىك شالعان. "قازا بولعاندار مەن زارداپ شەككەندەر تۋرالى اقپارات مۇنىمەن ناقتىلانعان جوق", - دەيدى ەلدىڭ دەنساۋلىق ساقتاۋ مينيسترلىگىنىڭ وكىلى. 

مۇنىڭ الدىندا جۇك لاينەرىنىڭ جەكە ۇيلەردىڭ ۇستىنە قۇلاۋىنان 20 ادام قايتىس بولعانى حابارلانعان. ولاردىڭ اراسىندا بالالار دا بار دەلىنگەن ەدى. قۇلاعاننان كەيىن ۇشاق ورتەنگەندىكتەن، دارىگەرلەر وقيعا ورنىندا ادامدارعا كومەكتەسە الماعان. قازىرگى كەزدە ءورتتىڭ اۋىزدىقتالعانى حابارلاندى. 

اباي-اقپارات