سەنبى, 24 شىلدە 2021
دەپ جاتىر 2408 0 پىكىر 13 قاڭتار, 2017 ساعات 09:40

قازاق بالاسى گولليۆۋدتتى باعىندىرۋدا

لوس اندجەلەستەگى نيۋ يورك كينواكادەمياسىندا ءتالىم الىپ جاتقان  حايرۋللا-سۇلتان حيسامي ەسىمدى قانداسىمىز گوليۆۋدتى باعىندىرۋدا. ءۇشىنشى كۋرستىڭ ستۋدەنتى بولا تۇرا،  اقتاۋ قالاسىنىڭ  تۋماسى حايرۋللانىڭ كينوتۋىندىسى كاليفورنيانىڭ  ەڭ ۇزدىك  Official selection DMOFF جانە Finalist IndustryBoost Competition on IndieWise  فەستيفالدەرىنە ەنگەن دەپ حابارلايدى Today.kz.


The Last Sin ("سوڭعى كۇنا") دەپ اتالعان تۋىندىنىڭ  جەلىسى  جاس قىزدىڭ ءومىرىنىڭ تاس تالقانىن شىعارعان شىركەۋ قىزمەتشىسىنىڭ ءىس-ارەكەتىنە نامىسى ويانعان  گانگستەردىڭ ءوش الۋى جايلى باياندالادى. 

كينونىڭ ءتۇسىرىلىمى  كاليفورنيانىڭ موحاۆە شولىندە ءوتتى. رەجيسسەردىڭ ايتۋىنشا  كۇننىڭ قايناپ تۇرعان شاعىندا ساپالى دۇنيە شىعارۋدى ماقسات ەتكەن ءتۇسىرۋ توبى ەشبىر قۇرال- جابدىقتى قولدانباي  تابيعي كۇن ساۋلەسىن پايدالانعان ەكەن.

جاس تا بولسا بولاشاعىنان كوپ ءۇمىت كۇتتىرەتىن قانداسىمىز مۇنىمەن توقتاپ قالماي، باسقا دا كينوفەستيۆالدەرگە قاتىسۋدى كوزدەپ وتىر. ال اقش-عى وقۋى اياقتالىسىمەن تۋعان ەلىنە ورالۋدى جوسپارلاۋدا.

ءوزىنىڭ سۇحباتىندا; «بۇگىنگى قوعامدا  لاۋازىمىن پايدالانىپ، قىلمىس جاسايتىن ادامدار كوپ. ىستەگەن ىستەرى ءۇشىن جاۋاپقا  تارتىلۋ بىلاي تۇرسىن  جازاسىز قۇتىلىپ جاتقاندارى دا از ەمەس. وسى ماسەلەنى كوپ ويلانىپ، كينو ءتۇسىرۋدى ۇيعاردىم . سونىمەن قاتار، قازاقستان كينويندۋسترياسىن دامىتقىم كەلەدى، ءوز مەملەكەتىمىزدى، مادەنيەتىمىزدى كينو ارقىلى تانىتقىم كەلەدى» دەگەن ەكەن حايرۋللا-Cۇلتان.

دايىنداعان بيبىگۇل جانداربەكقىزى

Abai.kz

0 پىكىر