قازاقستانداعى «تسون» دۇربەلەڭىنىڭ Cوڭى نەمەن بىتەدى؟..
اقش-تاعى پرەزيدەنتتىك سايلاۋعا رەسەي پرەزيدەنتى ۆ. ءپۋتيننىڭ تىكەلەي ارالاسقانىن، وسى ەلدىڭ جاڭادان «سايلاندى-مىس» دەگەن پرەزيدەنتى د. ترامپ كەشە تۇندە اشىق مويىنداعانى تۋراسىندا ءباسپاسوز اتاۋلى جارىسا جازىپ باستادى.
«رەسەيدىڭ، ونىڭ «كۇن» كوسەمىنىڭ ءبىزدىڭ ەلدەگى سايلاۋلارعا ءدال اقش-تاعىداي ارالاسىپ، ءوزىنىڭ ىقپالىنداعى ازاماتتارعا جەڭىس اپەرىپ وتىرماعاندارىنا كىم كەپىل؟»دەگەن ويعا وسىندايدا ەرىكسىز قالادى ەكەنسىڭ.
مىناداي جاعدايدان كەيىن كوپ ۇزاماي، اقش-تا ۇلكەن دۇربەلەڭ باستالۋى ابدەن مۇمكىن...
اقش-تىڭ ەندى ءولىپ بارا جاتسا دا رەسەيدى جايىنا قويمايتىنى داۋسىز. الىپ رەسەيدە ازاتتىعىن اڭساپ وتىرعان قانشا ۇلتتار مەن ۇلىستار بار. ەندى سولار قوزعالادى دەگەن ءسوز...
دەمەك، رەسەيدىڭ تاعدىرى قىل ۇستىندە. ولاردىڭ «قۇدايلارىنىڭ» جاعدايى كۇرت ناشارلايتىنى ايتپاسا دا تۇسىنىكتى جاعداي. ول «قۇدايعا» ابدەن ارقا سۇيەپ، ابدەن جامان ۇيرەنىپ العان ءبىزدىڭ بيلىكتىڭ جايى نە بولماق...
ىشكى ىستەر ءمينيسترى گەنەرال قاسىموۆتىڭ: «ەسىكتەرىڭدى اشپاساڭدار، كىرۋدىڭ باسقا جولىن قاراستىرامىز»» دەپ قانشا بايبالام سالعانىمەن، الەمدىك ساياساتتاعى مىنا جاعدايمەن تۇسپا-تۇس كەلگەن قازىرگى قازاقستانداعى بۇكىل ەلدى ابىگەرگە سالىپ قويعان «تسون دۇربەلەڭىنىڭ» اقىرى دا جاقسىلىققا اپارىپ سوقپايدى...
سونىمەن، تاريح ءبىزدىڭ قازاققا، بۇكىل الەمگە نە سىيلايدى، كۇتەيىك...
ءبىر جاعىندا اقش، ءبىر جاعىندا رەسەي ءبۇلىنىپ جاتقاندا، تەنتىرەپ كەتۋدىڭ از-اق الدىندا تۇرعان قازاقتاردىڭ اۋىر جاعدايى، سونىمەن بىرگە شىلقا مايدىڭ ۇستىندە وتىرعان، ءبىزدىڭ دىننەن، تىلدەن بەزگەن كەيبىر شەندىلەرىمىزدىڭ ۇيقىسى دا ءتۇزۋ بولا قويادى دەگەنگە ءيتىم سەنە مە؟..
جۇماش كوكبورى
Abai.kz
