سەنبى, 27 اقپان 2021
جاڭالىقتار 2459 0 پىكىر 9 قاڭتار, 2017 ساعات 16:45

بجزق ءىسى بويىنشا قاماۋعا الىنعانداردىڭ ءتىزىمى جاريالاندى

بجزق-داعى جىمقىرۋ ءىسى بويىنشا ءتورت فيگۋرانت ەكى ايعا قاماۋعا الىندى، - دەپ حابارلايدى Tengrinews.kzء تىلشىسى.

الماتى قالالىق المالى اۋداندىق سوتى "بجزق" اق باسقارما توراعاسى رۋسلان ەردەناەۆقا، "بجزق" اق قاتەرلەردى باسقارۋ دەپارتامەنتىنىڭ قارجى قاتەرلەرى باسقارماسىنىڭ باسشىسى مۇسا باحتوۆقا، "الاتاۋمۇنايالتىن" باقىلاۋ كەڭەسىنىڭ توراعاسى، سونداي-اق، "بۋزگۋل اۋرۋم" جشس قۇرىلتايشىسى باقىتجان كەنجەباەۆقا، "بۋزگۋل اۋرۋم" جشس ازات نايزاعاريناعا قاتىستى قاماۋعا الۋ تۇرىندەگى بۇلتارتپاۋ شاراسىن تاڭداۋ تۋرالى قاۋلى شىعاردى", - دەپ حابارلادى الماتى قالالىق سوتىنىڭ اقپاراتپەن قامتۋ ءبولىمىنىڭ باسشىسى دياس ماحامبەتوۆ.

ماحامبەتوۆتىڭ مالىمەتىنشە، سوتقا دەيىنگى تەرگەۋ ورگاندارى رۋسلان ەردەناەۆقا جانە وزگە كۇدىكتىلەرگە مۇلىككە قارسى اۋىر قىلمىس جاسادى دەگەن كۇدىك كەلتىرىپ وتىر. ولارعا قر قىلمىستىق كودەكسىنىڭ 189-بابىنىڭ 4-بولىگىنىڭ 2-تارماقشاسى بويىنشا ايىپ تاعىلدى - "سەنiپ تاپسىرىلعان بوتەن مۇلiكتi يەمدەنiپ الۋ نەمەسە تالان-تاراجعا سالۋ".

"سوتتىڭ قاۋلىسىمەن كۇدىكتىلەرگە قاتىستى ەكى اي مەرزىمگە قاماۋعا الۋ تۇرىندەگى بۇلتارتپاۋ شاراسى تاڭدالدى", - دەدى دياس ماحامبەتوۆ. 

ءتورت فيگۋرانت سوتتىڭ قاۋلىسىنا شاعىم ءتۇسىردى.

اشىق دەرەككوزدەرگە سۇيەنسەك، رۋسلان ەردەناەۆتىڭ ەكى ورىنباسارى بولعان - ساۋلە دۇيسەنوۆا مەن دابىر مەدەتبەكوۆ. بىراق ازىرشە قايسىسى قاماۋعا الىنعانى بەلگىسىز.

ايتا كەتەيىك، ۇلتتىق بانك وكىلى الەكساندر تەرەنتەۆ 6 قاڭتارداعى ءباسپاسوز ماسليحاتىندا بجزق-عا قاتىستى قىلمىستىق ىستىڭ ۇلتتىق بانكتىڭ وتىنىشىنەن كەيىن قوزعالعانىن مالىمدەگەن.

Abai.kz

0 پىكىر