تاران اۋدانى جازۋشى بەيىمبەت ءمايليننىڭ تۋعان جەرى. اۋدانعا قاراستى كراسنوسەلسكي اۋىلى بۇرىن بەيىمبەت مايلين اتىندا بولعان ەكەن. وسىعان وراي اۋىل شەتىندە جازۋشىنىڭ قۇرمەتىنە بيۋست تۇرعىزىلعان. ەسكەرتكىشتىڭ بولعانى جاقسى عوي. بىراق، ونىڭ جايى تىم مۇشكىل. بەيىمبەتتىڭ باسى “جارىلىپ”، جان-جاعى قاراۋسىز قالعان.

سىنعان شولمەكتەرگە تولى. ەسىمىن دە قازاقشا جازۋ بۇيىرماپتى. ايدالادا قالعان ءبىر بەيباق سياقتى. اتتەڭ، وسى جەرگە ءبىر اۋىق كوڭىل ءبولىنىپ، كوشەتتەر مەن گۇلدەر وتىرعىزىلسا قانداي جاقسى بولار ەدى. لەنيننىڭ ەسكەرتكىشىن ءالى كۇنگە كوككە كوتەرەتىندەر الاش اردىقتىلارىن ەستەن شىعارماسا دەيسىڭ. “اتتەڭ...” دەمەسكە لاجىڭ جوق.

ايتولقىن ايقاداموۆا

“قوستاناي تاڭى” گازەتى