بەيسەنبى, 20 قاڭتار 2022
بيلىك 4598 0 پىكىر 25 مامىر, 2015 ساعات 19:29

ەكسپو-2017 كورمەسىنە قاتىسۋعا 26 مەملەكەت ءازىر

ەكسپو-2017 كورمەسىنە قاتىسۋلارىن 26 مەملەكەت راستادى. بۇل تۋرالى استانا ەكونوميكالىق فورۋمىنىڭ «ەحرو-2017 – تۇراقتى دامۋ ەنەرگياسى» پانەلدىك سەسسياسى كەزىندە سىرتقى ىستەر ءمينيسترىنىڭ ءبىرىنشى ورىنباسارى، "ەكسپو-2017" حالىقارالىق مامانداندىرىلعان كورمەسىنىڭ كوميسسارى راپيل جوشىباەۆ مالىمدەدى، دەپ حابارلايدى اباي.كز

 «بۇگىنگى تاڭدا 26 مەملەكەت ءبىزدىڭ كورمەگە قاتىسۋلارىن رەسمي تۇردە راستادى. وتىنىشتەر ءالى دە بولسا تۇسۋدە، باسقا مەملەكەتتەردەن دە وزدەرىنىڭ ماقۇلداۋلارىن كۇتۋدەمىز. ءۇش حالىقارالىق ۇيىم رەسمي تۇردە ءوز قاتىسۋلارىن راستادى. مەنىڭ ويىمشا بيىل مەملەكەتتەردىڭ راستاۋلارىن بارىنشا جينايمىز، بۇل مولشەرىمەن 60-70 مەملەكەت»، - دەدى ر.جوشىباەۆ.

ونىڭ ايتۋىنشا الداعى كورمە قاتىسۋعا نيەتتى حالىقارالىق ۇيىمدار مەن ءىرى كومپانيالاردىڭ قىزىعۋشىلىعىن تۋدىرۋدا. «استانا ەكونوميكالىق فورۋمى كەزىندە ەكسپو  الدىندا جانە ونىڭ اياسىندا ينجەنەرلەر مەن عالىمداردىڭ دۇنيەجۇزىلىك كونگرەسسىن وتكىزۋ تۋرالى باستامالار پايدا بولۋدا. ءبىز استانا ەڭ قىزىقتى يدەيالار الاڭىنا اينالۋىن قالايمىز»، - دەپ اتاپ ءوتتى ەكسپو  كوميسسارى.

Abai.kz

0 پىكىر