«مەملەكەت باسشىسى نۇرسۇلتان نازارباەۆ يسلام كاريموۆكە وزبەكستان رەسپۋبليكاسىنىڭ پرەزيدەنتى لاۋازىمىنا قايتا سايلانۋىنا بايلانىستى قۇتتىقتاۋ جەدەلحاتىن جولدادى» دەپ حابارلايدى اقوردانىڭ ءباسپاسوز قىزمەتى. 
جەدەلحاتتا سايلاۋ ناتيجەلەرى ي.كاريموۆتىڭ حالىق الدىنداعى بەدەلىنىڭ، ەلدىڭ الەۋمەتتىك-ەكونوميكالىق دامۋىنا جانە وزبەكستاننىڭ حالىقارالىق قاۋىمداستىقتاعى ابىرويىن نىعايتۋعا باعىتتالعان پاراساتتى ساياساتىنا كورسەتىلگەن كەڭ قولداۋدىڭ ايقىن دالەلى ەكەنى اتاپ وتىلگەن.
مەملەكەت باسشىسى سونداي-اق ي.كاريموۆتىڭ باسشىلىعىمەن وزبەكستاننىڭ ودان ءارى گۇلدەنە بەرەتىنىنە سەنىم بىلدىرگەن. «قازاقستان مەن وزبەكستان اراسىنداعى باۋىرلاس قارىم-قاتىناستار ستراتەگيالىق ىنتىماقتاستىق دەڭگەيىندە نىعايا تۇسەتىنىنە كامىل سەنەمىن»، - دەلىنگەن جەدەلحاتتا.

اباي-اقپارات.