ەكس-شەنەۋنىكتەر جۋرناليست بولىپ جەتىستىرىپ جۇرگەندەرى شامالى. اركىم ءوز ىسىمەن اينالىسقانى ابزال عوي. دارىن مەن قابىلەتتىلىكتى، اسا بىلىكتىلىكپەن قاتار جۇرەكتىلىك پەن باتىلدىقتى تالاپ ەتەتىن جۋرناليستىك قىزمەتپەن اينالىسۋ - ەرىككەن شەنەۋنىكتەر مەن ءىشى پىسقان ەكس-دەپۋتاتتاردىڭ ەرمەگى ەمەس. جۋرناليست دەپ اتالۋ نەمەسە ديپلوم الىپ شىعۋ شىنايى جۋرناليست بولۋعا كەپىلدىك بولمايدى. تۇلعا بولىپ قالىپتاسىپ، كوپتىڭ ىقىلاسىنا بولەنگەندە عانا ول - ناعىز جۋرناليست. قازىر جۋرناليست اتىن جامىلعان حالتۋششيكتەر ءيتتىڭ باسىنان كوپ. ال، شىن جۋرناليست ساۋساقپەن سانارلىق قانا. ەكس-دەپۋتاتتار مەن شەنەۋنىكتەر جۋرناليست بولامىز دەپ شالا بۇلىنۋدەن بۇرىن الدىمەن ساۋاتتى ءارى تالعامى بيىك وقىرمان بولىپ السىنشى.

قۋاندىق شاماحايۇلى.

(جازبا اۆتوردىڭ facebookتەگى پاراقشاسىنان الىندى.)