ۇكىمەتتىڭ بۇگىنگى وتىرىسىندا قر قورعانىس ءمينيسترى ساكەن جاسۇزاقوۆ جەر ۋچاسكەلەرىن قارۋ-جاراق قويمالارىنا جاقىن بەرمەۋ قاجەتتىگىن ەسكە سالدى، دەپ xابارلايدى قازاقپارات ءتىلشىسى.

"مەن اكىمدەرگە ءبىر ماسەلەنى جەتكىزەيىن دەپ ەدىم. قازىر زاڭ بويىنشا كەيبىر نىساندار، اسىرەسە، قارۋ-جاراق قويمالارى اينالاسىنداعى قاۋىپسىزدىك ايماقتارى انىقتالعان. سوندىقتان جەرگىلىكتى جەردە xالىققا جەر ۋچاسكەلەرىن بەرگەندە وسىنى ەكسەرۋدى سۇرايمىن. سەبەبى جەكە تۇرعىن ۇيلەردى سالامىز دەپ، ولار قارۋ-جاراق قويمالارىنا جاقىنداپ كەلەدى. ال بىزدەگى قويمالاردا جويقىن قارۋ-جاراقتار بار، قانداي دا ءبىر ديۆەرسيالىق ارەكەتتەر كەزىندە xالىققا دا، قۇرىلىس نىساندارىنا دا قاۋىپ ءتونۋى ابدەن مۇمكىن", - دەيدى جاسۇزاقوۆ.

ايتا كەتەيىك، بۇگىنگى وتىرىستا قر ۇلتتىق قاۋىپسىزدىك كوميتەتى توراعاسىنىڭ ورىنباسارى نۇرعالي بىلىسبەكوۆ سانكت-پەتەربۋرگتاعى تەرراكتىگە قاتىستى بۇقارالىق اقپارات قۇرالدارىندا تاراپ جۇرگەن اقپاراتقا تۇسىنىكتەمە بەردى.

Aباي-اقپارات