وتكەن اپتادا سارىباي قالمىرزاەۆ جۇرەك تالماسىنا ۇشىراپتى دەگەن سۋىت حاباردى استانامىز استانادان، دالىرەك ايتقاندا، ەسىل وزەنىنىڭ سول جاعالاۋىنان كەلدى دەپ، بىرقاتار اقپارات اگەنتتىكتەرى جارىسا جازىپ ەدى. ال، وسى اپتادا پرەزيدەنتتىڭ ءىس باسقارۋشىسى سارىباي قالمىرزاەۆ مىرزا كەشە، ياعني، قازانىڭ 12-ءسى كۇنى   الماتىداعى «الماتى» ساۋىقتىرۋ ورتالىعىنىڭ اشىلۋىنا قاتىسىپ، ءوزىنىڭ امان-ەسەن جەر باسىپ جۇرگەنىن، تەك گەرمانياعا بارىپ، كەزەكتى رەت جوسپارلى دارىگەرلىك تەكسەرۋدەن ءوتىپ كەلگەنىن ايتىپ، الىپ-قاشپا اڭگىمەگە نۇكتە قويدى.

- مەن تۋرالى ءتۇرلى اقپاراتتىڭ تارالۋى، بالكىم بىرەۋگە كەرەك بولعان شىعار. شاماسى، مەنىڭ ەسەن-ساۋ، پرەزيدەنتتىڭ جانىندا جۇرگەنىم بارلىعىنا ۇناي بەرمەيتىن سياقتى. تاراز، شىمكەنتكە بارعاندا پرەزيدەنتتىڭ جانىندا مەن عانا بولدىم، سودان بىرەۋلەردىڭ قىزعانىشى تاسىپ كەتكەن شىعار. مەن ولار ءۇشىن جاۋاپ بەرمەيمىن عوي، - دەيدى ول.

ورتالىقتان شىقتى دەلىنەتىن تاعى ءبىر جاڭالىق - ءبىرىنشى ۆيتسە-پرەمەر ومىرزاق شوكەەۆ پەن باس پروكۋرور قايرات ءمامي ۇيقاماققا الىنىپتى دەگەندى جەتكىزدى. كەشەلى بەرى بۇل اقپاراتتىڭ جالعان ەكەنى تۋرالى حابار تارادى. قويشى، ايتەۋىر، ۇلىقتاردىڭ ءبارى دە ءدىن امان  سول باياعى قىزمەتتەرىندە جۇرگەنگە ۇقسايدى.

وتكەن اپتادا سارىباي قالمىرزاەۆ جۇرەك تالماسىنا ۇشىراپتى دەگەن سۋىت حاباردى استانامىز استانادان، دالىرەك ايتقاندا، ەسىل وزەنىنىڭ سول جاعالاۋىنان كەلدى دەپ، بىرقاتار اقپارات اگەنتتىكتەرى جارىسا جازىپ ەدى. ال، وسى اپتادا پرەزيدەنتتىڭ ءىس باسقارۋشىسى سارىباي قالمىرزاەۆ مىرزا كەشە، ياعني، قازانىڭ 12-ءسى كۇنى   الماتىداعى «الماتى» ساۋىقتىرۋ ورتالىعىنىڭ اشىلۋىنا قاتىسىپ، ءوزىنىڭ امان-ەسەن جەر باسىپ جۇرگەنىن، تەك گەرمانياعا بارىپ، كەزەكتى رەت جوسپارلى دارىگەرلىك تەكسەرۋدەن ءوتىپ كەلگەنىن ايتىپ، الىپ-قاشپا اڭگىمەگە نۇكتە قويدى.

- مەن تۋرالى ءتۇرلى اقپاراتتىڭ تارالۋى، بالكىم بىرەۋگە كەرەك بولعان شىعار. شاماسى، مەنىڭ ەسەن-ساۋ، پرەزيدەنتتىڭ جانىندا جۇرگەنىم بارلىعىنا ۇناي بەرمەيتىن سياقتى. تاراز، شىمكەنتكە بارعاندا پرەزيدەنتتىڭ جانىندا مەن عانا بولدىم، سودان بىرەۋلەردىڭ قىزعانىشى تاسىپ كەتكەن شىعار. مەن ولار ءۇشىن جاۋاپ بەرمەيمىن عوي، - دەيدى ول.

ورتالىقتان شىقتى دەلىنەتىن تاعى ءبىر جاڭالىق - ءبىرىنشى ۆيتسە-پرەمەر ومىرزاق شوكەەۆ پەن باس پروكۋرور قايرات ءمامي ۇيقاماققا الىنىپتى دەگەندى جەتكىزدى. كەشەلى بەرى بۇل اقپاراتتىڭ جالعان ەكەنى تۋرالى حابار تارادى. قويشى، ايتەۋىر، ۇلىقتاردىڭ ءبارى دە ءدىن امان  سول باياعى قىزمەتتەرىندە جۇرگەنگە ۇقسايدى.

ءبىر قىزىعى، وسى تاقىلەتتەس اقپاراتتار كەيىنگى كەزدە تىم جيىلەپ كەتتى. بالكىم، الاقۇيىننىڭ حابارشىسى ما ەكەن؟! الدە بيلىك باسىنداعى الپاۋىتتار ۋاقىتشا ىمىراعا كەلىپ جاتىر ما ەكەن؟ ويتكەنى استانادا الداعى جەلتوقسان ايىنىڭ العاشقى  كۇندەرىنە ەقىۇ- ءسامميتىن وتكىزۋ بەلەگىلەنىپ قويىلعان. ۇلكەن اڭگىمە سول «ۇلكەن تويدان» كەيىن بولۋى دا مۇمكىن. سەبەبى، ءبىزدىڭ توماعا تۇيىق قوعامدا «اناۋ اندا كەتىپتى»، «مىناۋ مىندا كەتىپتى»، «قۇلاپ قالىپتى، سۇلاپ قالىپتى» دەگەن سوزدەر بەكەرگە تارامايدى. بەينەلى قازاق تىلىمەن ايتقاندا: «جەل تۇرماسا ءشوپتىڭ باسى قيمىلدامايدى» عوي...

P.S. جوعارىداعى قاپتاعان قالىڭ قاۋەسەتتەن ءبىر ءسوز انىققا شىعىپ جاتىر. جۇرەك تالماسىمەن اۋرۋحاناعا تۇسكەن ەكس-مينيستر جاقسىلىق دوسقاليەۆتى قاماۋعا الۋ جونىندەگى سانكتسيانى مەملەكەتتىك ايىپتاۋشى ورگان تولىقتاي قولدادى. قىزمەت لاۋازىمىن اسىرا پايدالاندى، ءىرى كولەمدە پارا الدى دەگەن كۇدىكپەن ۇستالعان بۇرىنعى دەنساۋلىق ساقتاۋ ءمينيسترى دوسقاليەۆ قازىر استاناداعى تەرگەۋ اباقتالارىنىڭ بىرىندە وتىر.

«اباي-اقپارات»