الماتى. 16 قازان. قازتاگ –رەسەي قر قازىنا قاراجاتىن جىمقىرعان دەپ ايىپتالعان قازاقستان ازاماتى ۆلاديمير سۆيرسكيدى  كالۋگا وبلىسىنىڭ وبنينسك قالاسىندا ۇستاپ،  قازاقستانعا بەرمەكشى، دەپ كالۋگا وبلىسىنىڭ پروكۋراتۋراسى حابارلايدى.

«وبنينسكىدە قولعا تۇسكەن قازاقستان ازاماتىن قىلمىستىق جاۋاپكەرشىلىككە تارتۋ ءۇشىن ول ءوز ەلىنىڭ قۇقىق قورعاۋ ورگاندارىنا تاپسىرىلادى»، - دەلىنگەن قاداعالاۋ ورگانىنىڭ سايتىندا.

حاباردا ايتىلعانداي، وبنينسكىدەگى ءىىب قىزمەتكەرلەرى ۇيىمداسقان قىلمىستىق توپ قۇرامىندا اسا ءىرى مولشەدە قاراجات جىمقىرعان دەپ ايىپتالىپ، قازاقستان قۇقىق قورعاۋ ورگاندارىمەن حالىقارالىق ىزدەۋدە جۇرگەن قازاقستان ازاماتى ۆلاديمير سۆيرسكيدى 4-ءشى قازاندا ۇستادى. قىلمىس جەتى جىل بۇرىن استانادا جاسالعان.

پروكۋراتۋرا مالىمەتتەرىنشە، 2003-ءشى جىلعى جەلتوقساننان بەرى ۆ. سۆيرسكي قر ءىىم تەرگەۋ ورگاندارىنان ومبى، سامارا، ماسكەۋ وبلىستارىندا جاسىرىنىپ ءجۇرىپ، كەيىن كالۋگا وبلىسىنىڭ وبنينسك قالاسىنا توقتاعان.

ۆ. سۆيرسكي 2002-2003-ءشى جىلدارى «ۇيىمداسقان قىلمىستىق توپ قۇرامىندا باسقالارمەن بىرگە جالعان فيرمالاردىڭ ەسەپشوتىنا استانا قازىنا باسقارماسىنىڭ اقشاسىن اۋدارۋ ارقىلى ۇرلىق جاساعان» دەپ ايىپتالادى.

سول ۇرلىقتىڭ ناتيجەسىندە قازىناعا $1 ملن جانە ت40 ملن (شامامەن 40 ملن رۋبلگە بارابار)سوماداعى شىعىن كەلگەن، دەلىنەدى پروكۋراتۋرا سايتىندا.

«سۆيرسكيدى ەكستراديتسيالاۋعا ەشقانداي كەدەرگىنىڭ جوقتىعى سەبەپتى وبلىس پروكۋراتۋراسى قىلمىستىق قۋادالاۋ ماقساتىندا ونى قازاقستان رەسپۋبليكاسىنىڭ قۇزىرەتتى ورگاندارىنا تاپسىرۋ ءۇشىن رەسەي فەدەراتسياسىنىڭ باس پروكۋراتۋراسىنا ءتيىستى قۇجاتتاردى جىبەردى»، - دەپ كالۋگا وبلىسىنىڭ قاداعالاۋ ورگاندارى حابارلايدى.