الاتاۋ اۋدانىنىڭ "ۇلجان" ىقشاماۋدانداعى №152 ورتا مەكتەپتە ۇياتى بار جاننىڭ بەتىن قىزارتاتىن بەتپاق ءىس بولدى. كونتينەنتتىڭ كوبىن اۋىلدان كەلگەن قارادومالاقتار قۇرايتىن ءبىلىم وشاعىندا 11-سىنىپتىڭ ءۇش قىزى رەيدەرلىك جاساپ كەلىپتى. وزدەرى قۇرىپ العان الدەبىر كلۋبقا وزگە قۇربىلارىن كۇشپەن مۇشە قىلىپتى. كلۋبقا كىرگەن قىزدار ءۇش باسشىنى كۇن سايىن تۇستەندىرىپ وتىرۋعا ءتيىس بولعان. ارقايسىسىنا 300 تەڭگەدەن 900 تەڭگە اسحاناعا تولەنگەن. سونداي-اق ولار سىڭىلىلەرىن قىستاپ، وعان شاماسى جەتپەسە ءوز ۇيىنەن اكەلىپ ءۇش قىزعا اپتا سايىن 40 مىڭ تەڭگە بەرىپ تۇرۋعا مىندەتتەلگەن.

ءبىر قىزدىڭ قاتتى سوققىدان باسى ءىسىپ، سوسىن كارى اجەسى مەكتەپكە كەلىپ شۋ كوتەرگەنگە دەيىن بۇل تۋرالى مەكتەپ ۇجىمى ەشتەمە بىلمەگەن. قىزدىڭ باسىن ىسىرگەن اتاماندارىنىڭ بىرىنە كويلەك الۋعا اقشا جيناپ جۇرگەن شابارماندار بولسا كەرەك. شەشەسى جوق، كارى اجەسىنىڭ قولىندا تۇرىپ جاتقان قىز اقشا تابا الماسىن بىلگەن سوڭ اجەسىنە شىندىقتى جايىپ سالعان كورىنەدى.

ايتپاقشى، انا ءۇش قىزدىڭ اتا-اناسى بالالىرىنىڭ ۇيدە قويدان قوڭىر ەكەنىن ايتىپتى. ساباقتان كەلگەن سوڭ بار شارۋانى ىستەيتىن، كەشكە ەشقايدا شىقپايتىن قىزدارىنىڭ كۇندىز قىلىق شىعارىپ جۇرگەنىن ولار دا بىلمەسە كەرەك.

بۇل سۇمدىقتى ەستىگەن جابىرلەنۋشى تاراپتىڭ اتا-انالارى ديرەكتوردىڭ دارگەيىنەن اسا الماي، ارىزدانۋعا تالپىنباعان كورىنەدى. دەگەنمەن، بىزگە ماسەلەنىڭ ءمان-جايىن مولدىرەتىپ ايتىپ بەردى.

الاتاۋ اۋدانىنىڭ "ۇلجان" ىقشاماۋدانداعى №152 ورتا مەكتەپتە ۇياتى بار جاننىڭ بەتىن قىزارتاتىن بەتپاق ءىس بولدى. كونتينەنتتىڭ كوبىن اۋىلدان كەلگەن قارادومالاقتار قۇرايتىن ءبىلىم وشاعىندا 11-سىنىپتىڭ ءۇش قىزى رەيدەرلىك جاساپ كەلىپتى. وزدەرى قۇرىپ العان الدەبىر كلۋبقا وزگە قۇربىلارىن كۇشپەن مۇشە قىلىپتى. كلۋبقا كىرگەن قىزدار ءۇش باسشىنى كۇن سايىن تۇستەندىرىپ وتىرۋعا ءتيىس بولعان. ارقايسىسىنا 300 تەڭگەدەن 900 تەڭگە اسحاناعا تولەنگەن. سونداي-اق ولار سىڭىلىلەرىن قىستاپ، وعان شاماسى جەتپەسە ءوز ۇيىنەن اكەلىپ ءۇش قىزعا اپتا سايىن 40 مىڭ تەڭگە بەرىپ تۇرۋعا مىندەتتەلگەن.

ءبىر قىزدىڭ قاتتى سوققىدان باسى ءىسىپ، سوسىن كارى اجەسى مەكتەپكە كەلىپ شۋ كوتەرگەنگە دەيىن بۇل تۋرالى مەكتەپ ۇجىمى ەشتەمە بىلمەگەن. قىزدىڭ باسىن ىسىرگەن اتاماندارىنىڭ بىرىنە كويلەك الۋعا اقشا جيناپ جۇرگەن شابارماندار بولسا كەرەك. شەشەسى جوق، كارى اجەسىنىڭ قولىندا تۇرىپ جاتقان قىز اقشا تابا الماسىن بىلگەن سوڭ اجەسىنە شىندىقتى جايىپ سالعان كورىنەدى.

ايتپاقشى، انا ءۇش قىزدىڭ اتا-اناسى بالالىرىنىڭ ۇيدە قويدان قوڭىر ەكەنىن ايتىپتى. ساباقتان كەلگەن سوڭ بار شارۋانى ىستەيتىن، كەشكە ەشقايدا شىقپايتىن قىزدارىنىڭ كۇندىز قىلىق شىعارىپ جۇرگەنىن ولار دا بىلمەسە كەرەك.

بۇل سۇمدىقتى ەستىگەن جابىرلەنۋشى تاراپتىڭ اتا-انالارى ديرەكتوردىڭ دارگەيىنەن اسا الماي، ارىزدانۋعا تالپىنباعان كورىنەدى. دەگەنمەن، بىزگە ماسەلەنىڭ ءمان-جايىن مولدىرەتىپ ايتىپ بەردى.

ۇستازدار بولسا 9-10 سىنىپتىڭ قىزدارىنىڭ وقۋ ۇلگەرىمى وتە تومەندەپ، ساباق ۇستىندە ءبارىنىڭ دە الدەنەدەن ۇركىپ، مۇڭايىپ، جاسىپ وتىراتىندارىن جەتكىزدى.

بۇل جايت تۇيمەباەۆ ءتۇيىنىن ودان ءارى تۇيىنشەكتەپ كەتكەن ءبىلىم سالاسىندا تۇيتكىلدەردىڭ دابىل قاعارلىق دەڭگەيگە جەتكەنىن كورسەتسە كەرەك. كەشەگى تۇزدىباستاۋداعى وقيعا اناۋ. اقتوبەدەگى ءوز وقۋشىسىن اتقان "ايۋان" ۇستاز بەن وقۋشىلاردان 14 ملن. تەڭگە قاقشىپ العان ديرەكتور باستاعان ۇجىم مىناۋ. قىزدار مەن قىزداردىڭ قىرىقپىشاق بولىپ قىرقىسىپ جاتۋى كوز ۇيرەنگەن قىلىققا اينالىپ بارادى. كەشەگى كەڭەس بيلەگەن كۇندە تەكسىزدىك تەبىندەگەن مۇرتتاي ەدى، ەندى قاۋعاداي ساقالعا اينالىپتى. ءبىلىم وشاعىنىڭ بارلىعى جەمقورلىق پەن بەي-بەرەكەتكە ۇرىنعان ەلدىڭ بولاشاعى قانداي بولماق؟

P.S: ايتپاقشى، وسى مەكتەپكە دەنە شىنىقتىرتۋ ءپانىنىڭ مۇعالىمى بولىپ كەلگەن ەكى كاراتەشى بيكەش تە وقۋشىلارىنان قالىسپاعان كورىنەدى. وزدەرى ساباق بەرەتىن سىنىپتىڭ قىزدارىنا كۇش كورسەتىپ، قوقان-لوقى جاساپ، ونىمەن قويماي اي سايىن 5 مىڭ تەڭگە تولەپ تۇرۋىن تالاپ ەتكەن كورىنەدى.

«اباي-اقپارات»